scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପଡିଆରେ ଟଳିଗଲା ବଡ ବିପଦ, ଅଚାନକ ଅଚେତ୍ ହୋଇ ତଳେ ପଡିଗଲେ ଇଣ୍ଡିଜର ଦୁଇ ଖେଳାଳି, ହସ୍ପିଟାଲ ନେବାକୁ ପଡିଲା

3/07/2021 at 4:50 PM

ନୂଆଦିଲ୍ଲୀ ୦୩।୦୭: ଓ୍ଵେଷ୍ଟଇଣ୍ଡିଜ ଓ ପାକିସ୍ତାନ ମହିଳା କ୍ରିକେଟ୍ ମଧ୍ୟରେ ଖେଳାଯାଇଥିବା ଦ୍ଵିତୀୟ ଟି-୨୦ ମ୍ୟାଚ୍‌ରେ ବଡ ବିପଦ ଟଳି ଯାଇଛି। ଓ୍ଵେଷ୍ଟଇଣ୍ଡିଜର ଦୁଇ ଖେଳାଳି ପଡିଆରେ ଅଚାନକ ଅଚେତ୍ ହୋଇ ପଡିଥିଲେ। ଏହା ଦେଖି ପଡିଆରେ ଚହଳ ପଡିଯାଇଥିଲା। ଦୁଇ ଖେଳାଳିଙ୍କ ଅବସ୍ଥା ଏମିତି ହୋଇପଡିଲା ଯେ, ଷ୍ଟ୍ରେଚର ଜରିଆରେ ପଡିଆ ବାହାରକୁ ନେବାକୁ ପଡିଥିଲା। ପରେ ଦୁହିଁଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଦୁଇ ଖେଳାଳି ହେଲେ ଆଲିଆ ଏଲିନ ଓ ଚେଡିୟନ ନେସନ। ଦୁଇ ଖେଳାଳିଙ୍କ ସ୍ଵାସ୍ଥ୍ୟବସ୍ଥା ଏବେ ସ୍ଥିର ରହିଛି। ଦୁଇ ଖେଳାଳି ପଡିଆରେ ହଠାତ ଅଚେତ୍  ହେବାର କାରଣ ଜଣା ପଡିନାହିଁ।

ଓ୍ଵେଷ୍ଟଇଣ୍ଡିଜ ଦ୍ଵିତୀୟ ଟି-୨୦ ମୁକାବିଲାରେ ପାକିସ୍ତାନକୁ ୭ ଓ୍ଵିକେଟ୍‌ରେ (ଡକ ଓ୍ଵର୍ଥ ଲୁଇସ୍ ନିୟମ) ହରାଇ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ୨-୦ରେ ଅଗ୍ରଣୀ ହାସଲ କରିଛି। ଦୁଇ ଦଳ ମଧ୍ୟରେ ତୃତୀୟ ମୁକାବିଲା ରବିବାର ଖେଳାଯିବ। ଦ୍ଵିତୀୟ ମ୍ୟାଚରେ ପ୍ରଥମେ ବ୍ୟାଟିଂ କରି ଓ୍ଵେଷ୍ଟଇଣ୍ଡିଜ ଛଅ ଓ୍ଵିକେଟ୍‌ ବିନିମୟରେ ୧୨୫ ରନ କରିଥିଲା। ଚେଡିୟନ ନେସନ ୩୩ ବଲରୁ ୨୮ ରନର ଉପଯୋଗୀ ଇନିଂସ ଖେଳିଥିବା ବେଲେ ଆଲିଆ ଏଲିନ ୨ ରନ କରି ଅପରାଜିତ ଥିଲେ। ଜବାବରେ ପାକିସ୍ତାନକୁ ଡିଏଲଏସ ପ୍ରଣାଳୀ ଅନୁସାରେ ୧୧୧ ରନର ବିଜୟ ଲକ୍ଷ୍ୟ ମିଳିଥିଲା। ଲକ୍ଷ୍ୟ ପିଛା କରି ପାକିସ୍ତାନ ୧୦୩ ରନ କରିବାକୁ ସମକ୍ଷମ ହୋଇଥିଲା।

   Related Posts