scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

‘ବହୁତ ଜଲଦି ପୂର୍ବତନ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି ନରେନ୍ଦ୍ର ମୋଦୀ’- ଭୁପେଶ ବଘେଲ

25/02/2021 at 9:43 AM

ନୂଆଦିଲ୍ଲୀ,୨୫/୦୨:  ଗୁଜୁରାଟର ମୋଟେରା ଷ୍ଟାଡିୟମର ନାଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନାଁରେ ପରିବର୍ତ୍ତନକୁ ନେଇ ବିବାଦ ଜାରି ରହିଛି । ବିରୋଧୀ ଦଳ ଏହାକୁ ନେଇ ସରକାରଙ୍କୁ ଟାର୍ଗେଟ୍ କରିଛନ୍ତି । କଂଗ୍ରେସର ଜାତୀୟସ୍ତରୀୟ ନେତାଙ୍କ ପରେ ଏବେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବଘେଲ ମୋଦୀଙ୍କ ଆସନ ଅତିଶୀଘ୍ର ଚାଲିଯିବ ବୋଲି କହିଛନ୍ତି । ଏନେଇ ଲକ୍ଷଣ ଦେଖାଯିବା ଆରମ୍ଭ ହେଲାଣି ବୋଲି ମଧ୍ୟ ସେ କହିଛନ୍ତି ।

ଭୁପେଶ ବଘେଲ କହିଛନ୍ତି ଯେ, ଏହା ବିଜେପିର ପରମ୍ପରା । ଯେବେ ଅଟଳ ବିହାରୀ ବାଜପେୟୀ ଜୀବିତ ଥିଲେ ତାଙ୍କ ନାଁରେ ଅଟଳ ଚୌକ ନିର୍ମାଣ ହୋଇଥିଲା । ଏହାପରେ ସେ ଆଉ ପ୍ରଧାନମନ୍ତ୍ରୀ ରହିନଥିଲେ । ଏବେବି ତାଙ୍କ ନାମରେ ଅଟଳ ଚୌକ ରହିଛି । ଅର୍ଥାତ ମୋଦୀ ଅତିଶୀଘ୍ର ଅଟଳ ବାଜପେୟୀଙ୍କ ଭଳି ପୂର୍ବତନ ପ୍ରଧାନମନ୍ତ୍ରୀ ହୋଇଯିବେ ।

କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ଚ୍ୱିଟ୍ କରି ପ୍ରଧାନମନ୍ତ୍ରୀଙ୍କୁ ଟାର୍ଗେଟ୍ କରିଥିଲେ । ସେ କହିଥିଲେ ଯେ, ସତ ବହୁତ ଭଲରେ ସାମ୍ନାକୁ ଆସିଯାଏ । ନରେନ୍ଦ୍ର ମୋଦୀ ଷ୍ଟାଡିୟମ । ଅଦାନୀ ଏବଂ ରିଲାଏନ୍ସ ଏବଂ ଜୟ ଶାହଙ୍କ ଅଧ୍ୟକ୍ଷତାରେ ଏହା ତିଆରି ହୋଇଛି ବୋଲି ସେ କହିଛନ୍ତି ।

ଗୁଜୁରାଟର କଂଗ୍ରେସ ନେତା ହାର୍ଦ୍ଦିକ ପଟେଲ ମଧ୍ୟ ମୋଦୀ ସରକାରଙ୍କୁ ଟାର୍ଗେଟ୍ କରିଛନ୍ତି । ସେ ଟ୍ୱିଟ୍ କରି କହିଛନ୍ତି ଯେ, ବିଶ୍ୱର ସବୁଠାରୁ ବଡ ଷ୍ଟାଡିୟମ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ନାଁରେ ଥିଲା । ଏହାକୁ ନରେନ୍ଦ୍ର ମୋଦୀ ଷ୍ଟାଡିୟମ କରାଯାଇଛି । ଏହା ସର୍ଦ୍ଦାର ପଟେଲଙ୍କ ପ୍ରତି ଅପମାନ ଅଟେ । ସର୍ଦ୍ଦାର ପଟେଲଙ୍କ ନାଁରେ ଭୋଟ୍ ମାଗୁଥିବା ବିଜେପି ଏବେ ତାଙ୍କୁ ହିଁ ଅପମାନ କରୁଛି । ଗୁଜୁରାଟବାସୀ ଏହି ଅପମାନ ସହିବେ ନାହିଁ ବୋଲି ସେ କହିଛନ୍ତି ।

   Related Posts