ଭୁବନେଶ୍ୱର ୧୪।୦୩ : ପତିଆରା ପାଇଁ ଖଣ୍ଡାରେ କାଟିଲେ କେକ୍ । ସୋସିଆଲ ମିଡିଆରେ ଭିଡିଓ ଅପଲୋଡ୍ କଲେ । ପତିଆରା ଦେଖାଇବାକୁ ଏମିତି କରିଛନ୍ତି କିଛି ଯୁବକ । ଭୁବନେଶ୍ବର ଏୟାରଫିଲଡ଼ ଥାନା ଅଞ୍ଚଳର ଘଟଣା ବୋଲି ଜଣାପଡିଛି ।
ଖବର ଅନୁଯାୟୀ, ଘର ଛାତ ଉପରେ କିଛି ଜଣ ଯୁବକ ମିଶି କରିଛିଲେ ବାର୍ଥଡେ ପାର୍ଟି ସେଲିବ୍ରେସନ । ରାତି ଅଧରେ ଉଚ୍ଚ ସ୍ବରରେ ମ୍ୟୁଜିକ୍ ବଜାଇଥିଲେ । ଯେମିତି କାହାକୁ ପରୱା ନଥିଲା । ଆଖପାଖ ଘରେ ରହୁଥିବା ଲୋକଙ୍କୁ ଖାତିର ନଥିଲା । ଏହାପରେ ଚକ୍ ଚକ୍ କରୁଥିବା ଖଣ୍ଡା ବାହାର କରି କେକ୍ କାଟିଥିଲେ । ଉତ୍ସବ ମନେଇଥିଲେ । ଏସବୁ ଦୃଶ୍ୟକୁ ସୋସିଆଲ ମିଡିଆରେ ଅପଲୋଡ୍ କରିଥିଲେ । ଏବେ ଏହି ଭିଡିଓ ଭାଇରାଲ୍ ହୋଇଛି । କିଛି ଦିନ ତଳେ ରାଜଧାନୀ ଭୁବନେଶ୍ବରର ବିଭିନ୍ନ ଛକରେ କିଛି ଗ୍ୟାଙ୍ଗ ବାର୍ଥ ଡେ' ସେଲେବ୍ରେସନ୍ କରୁଥିବା ଭିଡିଓ ଭାଇରାଲ୍ ହୋଇଥିଲା । ଏହାକୁ ନେଇ ପୋଲିସ ତନାଘନା କରିଥିଲା । ଏବେ ଏହି ଭିଜୁଆଲ୍କୁ ନେଇ ଅନେକ ପ୍ରଶ୍ନ ଠିଆ କରିଛି ।
