Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

କେବେ ସୁଧୁରିବ ବ୍ୟବସ୍ଥା ? ରାଜଧାନୀରେ ଦାନ ମାଝି ଘଟଣାର ପୁନରାବୃତ୍ତି, ମା’ ଶବକୁ ଷ୍ଟ୍ରେଚରରେ ବୋହିଲା ପୁଅ

22/11/2022 at 7:54 AM

ଭୁବନେଶ୍ୱର ୨୨।୧୧: କେବେ ସୁଧୁରିବ ବ୍ୟବସ୍ଥା । ଉପାନ୍ତ ପରେ ଏବେ ଖୋଦ୍‌ ରାଜଧାନୀରେ ଦାନମାଝୀ ପରି ଘଟଣାର ପୁନରାବୃତ୍ତି । ମାଙ୍କ ମୃତଦେହ ନେବା ପାଇଁ ମିଳିନାଲି ମହାପ୍ରୟାଣ ଗାଡି । ଏପିରିକି ବେସରକାରୀ ଆମ୍ବୁଲାନ୍ସରେ ବି ନେବା ପାଇଁ ପାଖରେ ନଥିଲା ଟଙ୍କା । ଶେଷରେ ବାଧ୍ୟରେ ମାକୁ ଷ୍ଟ୍ରେଟରରେ ଭିଡି ଭିଡି ନେଲେ ପୁଅ ମାନସ ବାହୁବଳେନ୍ଦ୍ର । ରାଜଧାନୀ ମୁଖ୍ୟ ଚିକିତ୍ସା|ଳୟରେ ଏପରି ଘଟଣା ଦେଖିବାକୁ ମିଳିଛି ।

ଖବର ଅନୁଯାୟୀ, ସୋମବାର ମାନସଙ୍କର ମାଙ୍କ ବ୍ରେନ୍‌ ହାମ୍‌ରେଜ୍ ହୋଇଥିଲା । ଏହାପରେ ତାଙ୍କୁ ତୁରନ୍ତ ଏମ୍ସକୁ ଅଣାଯାଇଥିଲା । ଆଉ ପରେ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ଗୋଟେ ଦିନ ପରେ ତାଙ୍କ ମାଙ୍କ ମୃତ୍ୟୁ ହୋଇଥିଲା । ତେବେ ହସ୍ପିଟାଲ କର୍ତ୍ତୃପକ୍ଷଙ୍କ ଅବହେଳା ପାଇଁ ମାଙ୍କ ଜୀବନ ଯାଇଥିବା ପୁଅ ଅଭିଯୋଗ କରିଛନ୍ତି । ଆଉ ଏହାପରେ ତାଙ୍କୁ ମିଳିଲାନି ମହାପ୍ରୟାଣ ଗାଡ଼ି ।

ମେଡ଼ିକାଲ କର୍ତ୍ତୃପକ୍ଷ ତାଙ୍କୁ ବେସରକାରୀ ଆମ୍ବୁଲାନ୍ସ ନେବା ପାଇଁ କହିଥିଲେ । କିନ୍ତୁ ଟଙ୍କା ଅଭାବରୁ ସେଥିରେ ନେବାପାଇଁ ପୁଅ ସକ୍ଷମ ନଥିଲେ । ଏଣୁ କାନ୍ଦି କାନ୍ଦି ତାଙ୍କ ମାଙ୍କ ଶବକୁ ପୁଅ ଷ୍ଟ୍ରେଚରରେ ଟାଣି ଟାଣି ନେଇଛନ୍ତି । ଭୁବନେଶ୍ୱର କ୍ୟାପିଟାଲ ଚିକିତ୍ସାଳୟ ଠାରୁ ଆରମ୍ଭ କରି ଖୋର୍ଦ୍ଧା ଡଙ୍ଗରପଡା ପର୍ଯ୍ୟନ୍ତ ପର୍ଯ୍ୟନ୍ତ ପ୍ରାୟ ୫୦ କିଲୋମିଟର ପର୍ଯ୍ୟନ୍ତ ସେ ତାଙ୍କ ମା ଙ୍କୁ ଭିଡ଼ି ଭିଡ଼ି ନେବା ପାଇଁ ବାହାରିଥିଲେ । ହେଲେ ଅଧାବାଟରେ କିଛି ସଂଗଠନ ପକ୍ଷରୁ ତାଙ୍କୁ ସହଯୋଗର ହାତ ବଢାଯାଇଥିଲା ।

   Related Posts