ଭୁବନେଶ୍ୱର ୨୫।୦୩ : ରାଜଧାନୀରେ ଅଭାବନୀୟ ଘଟଣା । ଯୁବକଙ୍କ ଗୋଡକୁ ଶିଙ୍କୁଳିରେ ତାଲା ବାନ୍ଧି ନିସ୍ତୁକ ପିଟିଲେ ଓମଫେଡ ବ୍ୟବସାୟୀ । ଏଭଳି ଏକ ଅମାନୁଷିକ ଘଟଣାର ଭିଡିଓ ଓ ଫଟୋ ସାମ୍ନାକୁ ଆସିଛି ।

ଖବର ଅନୁଯାୟୀ, ଭରତପୁର ଅଞ୍ଚଳରେ ସକାଳୁ ସକାଳୁ ଜଣେ ଡ୍ରାଇଭର ଓମଫେଡ ଦୋକାନର ଏକ ଟିଣ ଉଠାଇଥିଲେ । ଏହାକୁ କେନ୍ଦ୍ର କରି ସଂପୃକ୍ତ ଥିବା ବ୍ୟବସାୟୀ ଜଣଙ୍କ ଉତକ୍ଷିପ୍ତ ହୋଇ ଡ୍ରାଇଭରଙ୍କ ଦୁଇ ଗୋଡକୁ ଏକ ଶିକୁଳିରେ ବାନ୍ଧି ରଖିଥିଲେ । ଏହାପରେ ନିସ୍ତୁକ ମାଡ ମାରିଥିଲେ । ମାଡ ମାରି ଅଧ ମରା କରି ଦେଇଥିଲେ ।

ସେପଟେ ଖବର ଜାଣିବା ପରେ ଆହତଙ୍କ ପତ୍ନୀ ସେଠାକୁ ଆସି ଉଦ୍ଧାର କରି ହସ୍ପିଟାଲ ନେଇଥିଲେ । ଏଭଳି ଏକ ଅମାନୁଷିକ ଘଟଣାରେ ଭରତପୁର ଥାନାରେ ଅଭିଯୋଗ ପରେ ସଂପୃକ୍ତ ବ୍ୟବସାୟୀଙ୍କୁ ଗିରଫ କରାଯାଇଛି । ଆକ୍ରମଣ କରିଥିବା ଯୁବକ ଚନ୍ଦନଙ୍କୁ ଗିରଫ କରି ଜେଲ ପଠାଇଛି ଭରତପୁର ଥାନା ପୋଲିସ ।