ରାଇରଙ୍ଗପୁର ୦୮।୧୨ : କୃଷି ଆଇନ୍କୁ ବିରୋଧ କରି ଭାରତ ବନ୍ଦ ଡାକରା ଦିଆଯାଇଛି । ବିଭିନ୍ନ କୃଷକ ସଂଗଠନ ପକ୍ଷରୁ ବନ୍ଦ ଡାକରା ଦିଆଯାଇଛି । ତେବେ ଭାରତ ବନ୍ଦର ପ୍ରଭାବ ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଓ ଆଖାପାଖ ଅଞ୍ଚଳରେ ଦେଖିବାକୁ ମିଳିଛି । ବିଭିନ୍ନ ସଂଗଠନ ପକ୍ଷରୁ ବନ୍ଦକୁ ମଧ୍ୟ ସମର୍ଥନ ମିଳିଛି ।
କୃଷି ଆଇନ୍କୁ ବିରୋଧ କରି ସାରାଭାରତରେ ବିରୋଧ ଜାରି ରହିଛି । ତେବେ ବନ୍ଦର ପ୍ରଭାବ ମଧ୍ୟ ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଓ ଆଖପାଖ ଅଞ୍ଚଳରେ ଦେଖିବାକୁ ମିଳିଛି । ସମସ୍ତ ଦୋକାନ ବଜାର ବନ୍ଦ କରିବା ସହିତ ଗାଡି ଚଳା ଚଳ ବନ୍ଦ ରହିଛି। ସେହିପରି ସରକାରୀ କାର୍ଯ୍ୟାଳୟ ଗୁଡିକୁ ସରକାରଙ୍କ ଛୁଟି ବନ୍ଦ ପାଇଁ ଘୋଷଣା କରିଥିବା ବେଳେ କେତୋଟି ବେସରକାରୀ ବ୍ୟାଙ୍କ ଗୁଡିକ ଖୋଲିଛି । ଭାରତ ବନ୍ଦକୁ କଂଗ୍ରେସ, ଜେଏମ୍ଏମ୍ , SUCI ଦଳ ସମର୍ଥନ କରିଥିବା ବେଳେ ବିଭିନ୍ନ ସ୍ଥାନରେ କର୍ମୀମାନେ ମିଳିତ ଭାବରେ ପିକେଟିଂ କରିବା ସହିତ ଖୋଲାଥିବା ଦୋକାନକୁ ବନ୍ଦ କରୁଥିବାର ଦେଖିବାକୁ ମିଳିଛି । ସେହିପରି ସହରରେ ଅନେକ ପେଟ୍ରୋଲ ପମ୍ପ ଖୋଲାରହିଥିଲା । ସୁରକ୍ଷାକୁ ଦୃଷ୍ଟିରେ ରଖି ପୋଲିସର ପାଟ୍ରୋଲିଂ ଜାରି ରହିଛି ।