ବାରିପଦା ୦୯/୦୨: ଶିମିଳିପାଳ ସୁରକ୍ଷା ଦାବି କରି ରାସ୍ତାକୁ ଓହ୍ଲାଇଛି ଭଞ୍ଜସେନା । ଶିମିଳିପାଳରେ ବନ୍ୟଜନ୍ତୁ ଶିକାର ଥମୁନି, ଶିକାରୀମାନେ ବେଧଡକ ଶିକାର କରୁଥିବା ଅଭିଯୋଗ ହୋଇଛି ।
ଭଞ୍ଜସେନା ପକ୍ଷରୁ ଉଦଳା-ବାରିପଦା ରାଜ୍ୟ ରାଜପଥର କଲେଜ କେନାଲ ଛକ ନିକଟରେ ରାସ୍ତା ଅବରୋଧ କରାଯାଇଛି । ଜାତୀୟ ଉଦ୍ୟାନ ଶିମିଳିପାଳରେ ହାତୀ, ବାଘ ସହିତ ଅନ୍ୟ ବନ୍ୟଜନ୍ତୁ ଶିକାର ଚାଲିଥିବା ବେଳେ ଏହାକୁ ରୋକିବା ଦିଗରେ ବନବିଭାଗ ବିଫଳ ହୋଇଥିବା ଆରୋପ କରିଛି ଭଞ୍ଜସେନା ।
ବିଶେଷକରି ହାତୀ ପୋଡି ପ୍ରମାଣ ନଷ୍ଟ କରିବା ଅଭିଯୋଗରେ ୩ବନ କର୍ମଚାରୀଙ୍କ ସଂପୃକ୍ତି ଶିମିଳିପାଳର ସୁରକ୍ଷା ଦିଗରେ ବନବିଭାଗର କାର୍ଯ୍ୟଧାରାକୁ ସନ୍ଦେହ ଘେରକୁ ଟାଣିଛି । ଶିକାରୀଙ୍କ ଉପରେ ରୋକ ନଲାଗିଲେ ଆଗାମୀ ଦିନରେ ଭଞ୍ଜସେନା ରାଜରାସ୍ତାକୁ ଓହ୍ଲାଇବ ବୋଲି ଚେତାବନୀ ଦେଇଛି ।