ଭଦ୍ରକ ୦୬।୦୩ : ସ୍କୁଲରେ ଛାତ୍ରୀ ଅଶାନ୍ତି । ପ୍ରଧାନଶିକ୍ଷୟିତ୍ରୀଙ୍କ ବିରୋଧରେ ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଛାତ୍ରୀ ଓ ଅଭିଭାବକ । ଭଦ୍ରକ ଜିଲ୍ଲା ଧୁଷୁରି ଉଚ୍ଚ ବିଦ୍ୟାଳୟର ଘଟଣା ।

ଖବର ଅନୁଯାୟୀ, ଧୁଷୁରି ଉଚ୍ଚ ବିଦ୍ୟାଳୟର ତପନ ମହାନ୍ତି ନାମକ ଶିକ୍ଷକ କେତେକ ଛାତ୍ରୀଙ୍କୁ ଡାକି ଅସଦାଚରଣ କରିଥିଲେ । ଘଟଣାକୁ ନେଇ ଧୁଷୁରି ଥାନାରେ ଅଭିଯୋଗ ପରେ ସଂପୃକ୍ତ ଶିକ୍ଷକଙ୍କ ଗିରଫ କରିଥିଲା ପୋଲିସ । ତେବେ ଶିକ୍ଷକଙ୍କ ଗିରଫ ପରେ ବିଦ୍ୟାଳୟର ଶିକ୍ଷୟିତ୍ରୀ ଛାତ୍ରୀମାନଙ୍କୁ ଏତଲା ଉଠାଇବା କହୁଥିବା ଅଭିଯୋଗ ହୋଇଛି । ଏମିତିକି ଛାତ୍ରଛାତ୍ରୀମାନେ ବିଦ୍ୟାଳୟକୁ ଯାଉନଥିବା ବେଳେ ଅଭିଭାବକମାନେ ଭ୍ରଦକ ଜିଲ୍ଲାପାଳଙ୍କୁ ଭେଟିଛନ୍ତି । ପ୍ରଧାନଶିକ୍ଷୟିତ୍ରୀଙ୍କୁ ତୁରନ୍ତ ବଦଳି କରିବାକୁ ଦାବି କରିଛନ୍ତି ଅଭିଭାବକ ଓ ଛାତ୍ରୀ । ସେପଟେ ଘଟଣାକୁ ନେଇ ପ୍ରଧାନ ଶିକ୍ଷୟିତ୍ରୀଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।