ଭଦ୍ରକ ୧୧।୦୧ : ବିଦ୍ୟୁତ ତାର ଲାଗି ଜଳିଗଲା ଛଣ ବୋଝେଇ ଗାଡି । ବିଦ୍ୟୁତ ତାର ଅଳ୍ପ ଉଚ୍ଚତାରେ ଯାଇଥିବାରୁ ଗାଡ଼ିରେ ନିଆଁ ଲାଗିଯାଇଥିବା ସୂଚନା । ଭଦ୍ରକ ଜିଲ୍ଲା ଗେଲପୁର ପଞ୍ଚାୟତ ଅଧିନ ଗୋପବନ୍ଧୁପୁର ଗାଁରେ ଘଟିଛି ଏମିତି ଘଟଣା ।

ଖବର ଅନୁଯାୟୀ,  ଗୋପବନ୍ଧୁପୁର ଗାଁରୁ ଏକ ଗାଡି ଛଣ ବୋଝେଇ କରି ରାଜପଥ ଅଭିମୁଖେ ଆସୁଥିବା ଗାଡି । ହଠାତ୍‌ ଏହି ସମୟରେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲା ଗାଡି ।  ପରେ ଛଣରେ ନିଆଁ  ଲାଗିଯାଇଥିଲା ।  ଦେଖୁ ଦେଖୁ ନିଆଁ ବ୍ୟାପି ଗାଡିରେ ନିଆଁ ଲାଗିଯାଇଥିଲା । ସ୍ଥାନୀୟ ଲୋକେ ନିଆଁ ଲିଭାଇଥିଲେ ।

ତେବେ ଏତେ ବଡ଼ ଅଘଟଣରୁ ଗାଡିର ଡ୍ରାଇଭର ଓ ହେଲପର ସୁରକ୍ଷିତ ଭାବେ ବର୍ତ୍ତିଯାଇଛନ୍ତି । ଏହି ଘଟଣା ଦୁଇ ଦିନ ତଳର ହୋଇଥିବା ବେଳେ ଏବେ ନିଆଁ ଲାଗିବା ବେଳର ଭିଡ଼ିଓ ଭାଇରାଲ ହେଉଛି ।