ବ୍ରହ୍ମପୁର ୨୪।୧୨: ଗଞ୍ଜାମ ଜିଲ୍ଲା ସାମନ୍ତିଆପଲି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଗଣ୍ଡଗୋଳ ଘଟଣାରେ ପୋଲିସର ତନାଘନା। ଅଭିଯୁକ୍ତଙ୍କୁ ଧରିବା ପାଇଁ ତିନୋଟି ଟିମ ଗଠନ କରାଯାଇଛି ବୋଲି ଏସ୍‌ପି କହିଛନ୍ତି ।

ସେ ଆହୁରି ମଧ୍ୟ କହିଛନ୍ତି ଯେ, ଏସଡିପିଓ ଏବଂ ଇନ୍ସପେକ୍ଟରଙ୍କ ନେତୃତ୍ବରେ ତିନୋଟି ଟିମ ଗଠନ କରାଯାଇଛି। ଖୁବ ଶୀଘ୍ର ସେମାନଙ୍କୁ ଗିରଫ କରାଯିବ । ଏହି ଗଣ୍ଡଗୋଳ ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇ ମେଡିକାଲରେ ଚିକିତ୍ସିତ ହେଉଛନ୍ତି। ତଦନ୍ତ ଓ ଗିରଫ ପରେ ଅଧିକ ତଥ୍ୟ ଏବଂ ସତ୍ୟାସତ୍ୟ ଜଣାପଡିବ।

ତେବେ ୨୦୧୫ ମସିହାରେ ଏକ ହତ୍ୟାକାଣ୍ଡ ଘଟିଥିଲା । ସେହି ଘଟଣାର ପ୍ରତିଶୋଧ ପାରାୟଣ ହୋଇ ଏଭଳି ଘଟଣା ଘଟିଥାଇପାରନ୍ତି ବୋଲି ପୁଲିସ ପ୍ରାଥମିକ ତଦନ୍ତରୁ ଅନୁମାନ କରୁଛି । ଘଟଣାର ଅଧିକ ତଦନ୍ତ ଚାଲିଛି ।