ବ୍ରହ୍ମପୁର, ୦୬|୦୬: ଗଞ୍ଜାମ ଜିଲ୍ଲା ଜରଡା ଥାନା କ୍ୱାରେଣ୍ଟାଇନରେ । ଏହି ଥାନାର ସବୁ ପୋଲିସ କର୍ମଚାରୀ କ୍ୱାରେଣ୍ଟାିନରେ ରହିବେ । ଏହି ଥାନାର ପୋଲିସ କର୍ମଚାରୀମାନେ ୨ଜଣ କରୋନା ପଜିଟିଭ୍ ଅଭିଯୁକ୍ତଙ୍କ ସଂସ୍ପର୍ଶରେ ଆସିଥିବା କାରଣରୁ ଏବେ ସମସ୍ତଙ୍କୁ କ୍ୱାରେଣ୍ଟାଇନରେ ପଠାଯାଇଛି ।
ସୂଚନାନୁସାରେ, ଗତ ୨୬ ତାରିଖରେ ଜରଡ଼ା ଥାନା ଅନ୍ତର୍ଗତ ପୋଲରାଜପୁର ଅଞ୍ଚଳରେ ଏକ ହତ୍ୟା ଉଦ୍ୟମ ମାମଲା ଘଟିଥିଲା । ଏହି ମାମଲାରେ ପୋଲିସ ଜୁନ ୩ ତାରିଖରେ ୨ଜଣ ଅଭିଯୁକ୍ତଙ୍କୁ ଗିରଫ କରିଥିଲା। ଏହାପରେ ୪ ତାରିଖରେ ସେମାନଙ୍କ ସ୍ୱାବ ସଂଗ୍ରହ କରାଯାଇ କରୋନା ଟେଷ୍ଟ ପାଇଁ ପଠାଯାଇଥିଲା।
ଅଭିଯୁକ୍ତଙ୍କ ଟେଷ୍ଟ ରିପୋର୍ଟ ପଜିଟିଭ୍ ଆସିଥିଲା । ରିପୋର୍ଟ ଆସିବା ପରେ ଥାନା କର୍ମଚାରୀଙ୍କୁ କ୍ୱାରେଣ୍ଟଇନ ଯିବାକୁ ବ୍ରହ୍ମପୁର ଏସପି ପିନାକ ମିଶ୍ର ନିର୍ଦେଶ ଦେଇଥିବା ସୂଚନା ମିଳିଛି।