ବେଙ୍ଗାଲୁରୁ ୨୩/୦୮: କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ମଗାଡ଼ି ରୋଡ୍ ସ୍ଥିତ ଫୁଡ୍ ଫ୍ୟାକ୍ଟ୍ରିରେ ଅଘଟଣ । ଫ୍ୟାକ୍ଟ୍ରିରେ ବଏଲର ଫାଟି ଦୁଇ ଜଣଙ୍କ ଜୀବନ ଯାଇଥିବା ବେଳେ ଅନ୍ୟ ୩ଜଣ ଗୁରୁତର ମଧ୍ୟ ହୋଇଛନ୍ତି। ଗୁରୁତରଙ୍କ ଅବସ୍ଥା ସଙ୍କଟାପନ୍ନ ରହିଥିବା ଜଣାପଡ଼ିଛି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେମାବାର ଦ୍ବିପ୍ରହରରେ ଏହି ଅଘଟଣା ଘଟିଥିବା କୁହାଯାଉଛି।
ଏହି ଫ୍ୟାକ୍ଟ୍ରିରେ ୭ ଜଣ କର୍ମଚାରୀ କାର୍ଯ୍ୟ କରୁଥିଲେ। ଘଟଣା ସମ୍ପର୍କରେ ସୂଚନା ପାଇ ଦମକଳ ବାହିନୀ ପହଞ୍ଚିବା ସହ ନିଆଁ ଆୟତ୍ତ କରିଥିଲା । ଏହା ପରେ ଭିତରେ ଫସି ରହିଥିବା ଲୋକଙ୍କୁ ବାହରକୁ ଆଣିଥିଲା ଅଗ୍ନିଶମ ବାହିନୀ । କିନ୍ତୁ ସେତେବେଳକୁ ୨ ଜଣଙ୍କ ଜୀବନ ଯାଇସାରିଥଲା ।
ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ମୃତ୍ୟୁବରଣ କରିଥିବା ଦୁଇ କର୍ମଚାରୀ ବିହାରର ବୋଲି ବେଙ୍ଗାଲୁରୁ ଓ୍ବେଷ୍ଟ ଡିସିପି ସଞ୍ଜୀବ ପାଟିଲ୍ କହିଛନ୍ତି। ଏହା ବ୍ୟତୀତ ଦୁଇ ମହିଳାଙ୍କ ସମେତ ୩ ଜଣ ଗୁରୁତର ହୋଇଛନ୍ତି। ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
