ଆନନ୍ଦପୁର ୨୪।୪: କେନ୍ଦୁଝର ଜିଲ୍ଲା ଆନନ୍ଦପୁର ପୌରପାଳିକା ଅଧିନ ୧୬ଟି ଓ୍ବାର୍ଡର ଅନେକ ହିତାଧିକାରୀଙ୍କୁ ଦୀର୍ଘମାସ ହେବ ମିଳୁନାହିଁ ଭତ୍ତା । ଓଲଟା ଭତ୍ତା ଟଙ୍କା ବାବଦରେ ପଚାରିବାକୁ ଗଲେ  ଦାୟିତ୍ୱରେ ଥିବା କର୍ମଚାରୀ ଦୁର୍ବ୍ୟବହାର କରୁଛନ୍ତି ।

ଗୋଟିଏ ପଟେ ଭତ୍ତା ନପାଇ ଆର୍ଥିକ ଅନଟନରେ ଦିନ କାଟୁଥିବା ବେଳେ ସଠିକ୍ ଉତ୍ତର ନରଖି କର୍ମଚାରୀଙ୍କ ଦୁର୍ବ୍ୟବହାରରେ ଅତିଷ୍ଠ ହିତାଧିକାରୀ ବୃଦ୍ଧବୃଦ୍ଧା  ଉପଜିଲ୍ଲାପାଳଙ୍କୁ  ଭେଟିଛନ୍ତି । ଘଟଣାରେ ହସ୍ତକ୍ଷେପ ପାଇଁ ଗୁହାରି କରିଛନ୍ତି ୫୦ରୁ ଉର୍ଦ୍ଧ୍ଵ ହିତାଧିକାରୀ । 

ତେବେ ସମସ୍ୟା ବ୍ୟାଙ୍କରେ ନା ପୌର ପରିଷଦ କାର୍ଯ୍ୟାଳୟରେ ଅଛି ତାହାର ତଦନ୍ତ କରି ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ଉପଜିଲ୍ଲାପାଳ । ଅନ୍ୟପଟେ ସଂପୃକ୍ତ କର୍ମଚାରୀଙ୍କ ବିରୋଧରେ ତଦନ୍ତ କରି ଉଚିତ ପଦକ୍ଷେପ ନେବାକୁ ପ୍ରତିଶ୍ରୁତି ଦେଇଥିଲେ ଉପଜିଲ୍ଲାପାଳ ଅନୀଲ କୁମାର ସେଠୀ ।