oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

କରୋନା ଭାଇରସ୍ ଯୋଗୁ ବେଜିଂ ଭାରତୀୟ ଦୂତାବାସରେ ଗଣତନ୍ତ୍ର ଦିବସ ଉତ୍ସବ ରଦ୍ଦ

24/01/2020 at 5:35 PM

ବେଜିଂ ୨୪।୧: ଚୀନରେ କରୋନା ଭାଇରସ ସଂକ୍ରମଣ ବେଳକୁ ବେଳ ଗୁରୁତର ହେବାରେ ଲାଗିଛି। ମୃତ୍ୟୁ ସଂଖ୍ୟା ବଢିଚାଲିଥିବା ବେଳେ ସଂକ୍ରମିତଙ୍କ ହାର ମଧ୍ୟ ସେହି ଅନୁପାତରେ ବଢୁଛି। ଏଣୁ କରୋନା ଭାଇରସ ପ୍ରକୋପକୁ ଦେଖି ବେଜିଂସ୍ଥିତ ଭାରତୀୟ ଦୂତାବାସ ୨୬ ଜାନୁୟାରୀ ଗଣତନ୍ତ୍ର ଦିବସ ସମାରୋହ କାର୍ଯ୍ୟକ୍ରମକୁ ଶୁକ୍ରବାର ବାତିଲ କରିଦେଇଛନ୍ତି। ଏ ନେଇ ଭାରତୀୟ ଦୂତାବାସ ପକ୍ଷରୁ ଏକ ଟ୍ୱିଟ୍ ବାର୍ତ୍ତାରେ ସୂଚୀତ କରାଯାଇଥିବା ବେଳେ ଭୂତାଣୁ ସଂକ୍ରମଣ ଯୋଗୁ ଚୀନ ପ୍ରଶାସନ ସମସ୍ତ ସାର୍ବଜନିକ ସଭା ଓ ଆୟୋଜନ ରଦ୍ଦ  ନିମନ୍ତେ ନିଷ୍ପତ୍ତି ନେଇଛନ୍ତି। ଏଣୁ ଭାରତୀୟ ଦୂତାବାସରେ ଜାନୁୟାରୀ ୨୬ କାର୍ଯ୍ୟକ୍ରମ ମଧ୍ୟ  ବାତିଲ କରାଯାଇଥିବା ଅଧିକାରୀକ ଭାବେ କୁହାଯାଇଛି।

ଭୂତାଣୁ ସଂକ୍ରମଣ ଯୋଗୁ ଏପର୍ଯ୍ୟନ୍ତ ବିଭିନ୍ନ ସ୍ଥାନରେ ୨୫ଜଣଙ୍କ ମୃତ୍ୟୁ ହୋଇଥିବା ବେଳେ ସଂକ୍ରମିତଙ୍କ ସଂଖ୍ୟା ୮୩୦ରେ ପହଞ୍ଚି ସାରିଲାଣି। ଚୀନର ହୁବେଇ ପ୍ରାନ୍ତରେ ଭୂତାଣୁର ପ୍ରକୋପ ସର୍ବାଧିକ ରହିଛି। ଏଣୁ ସଂକ୍ରମଣ ନିୟନ୍ତ୍ରଣ ଲାଗି ବୁହାନ ସମେତ ୮ଟି ସହରକୁ ବନ୍ଦ କରିଦିଆଯାଇଛି। ଏହି ଘାତକ ଭୂତାଣୁକୁ ଗତ ଡିସେମ୍ବର ମାସରେ ପ୍ରଥମେ ବୁହାନ ସହରରେ ଚିହ୍ନଟ କରାଯାଇଥିଲା। ତେବେ ସେତେବେଳେ ଏଥିପ୍ରତି ଗୁରୁତ୍ୱ ଦିଆ ନ ଯିବା ଯୋଗୁ ଏବେ ଭୂତାଣୁ ଦକ୍ଷିଣ କୋରିଆ, ଜାପାନ, ତାଇୱାନ, ଥାଇଲ୍ୟାଣ୍ଡ ସମେତ ଦକ୍ଷିଣ ଏସିୟ ଦେଶ ଓ ଯୁକ୍ତରାଷ୍ଟ୍ରକୁ ବି ବ୍ୟାପୀଯାଇଛି।

ତେବେ ୨୬ ଜାନୁୟାରୀ ପୂର୍ବରୁ ବେଜିଂ ଭାରତୀୟ ଦୂତାବାସରେ ଗୁରୁବାର ରିପବ୍ଲିକ ଡେ ରିସପସନ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ଚୀନ ଅଧିକାରୀଙ୍କ ସମେତ ବେଜିଂର ରାଜନୈତିକ ସମୂଦାୟ ସଦସ୍ୟମାନେ ମଧ୍ୟ ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ଉପ ବିଦେଶମନ୍ତ୍ରୀ ତଥା ଭାରତରେ ଚୀନର ପୂର୍ବ ରାଷ୍ଟ୍ରଦୂତ ଲୁଓ ଝାଓହୁଇ ମୁଖ୍ୟ ଅତିଥି ଭାବେ ଯୋଗଦେଇଥିଲେ।

ରିସେପସନ ଅବସରରେ ଚୀନରେ ଭାରତୀୟ ରାଷ୍ଟ୍ରଦୂତ ବିକ୍ରମ ମିଶ୍ରୀ ସଭାକୁ ସମ୍ବୋଧିତ କରି ୨୦୨୦ ବର୍ଷ ଭାରତ ଓ ଚୀନ ଦ୍ୱିପାକ୍ଷିକ ସମ୍ପର୍କ ଲାଗି ଏକ ଗୁରୁତ୍ୱପୁର୍ଣ୍ଣ ବର୍ଷ ବୋଲି କହିଥିଲେ।  କାରଣ ଏହି ବର୍ଷ ଚୀନ ସହ ଭାରତର ରାଜନୈତିକ ସମ୍ପର୍କକୁ ୭୦ ବର୍ଷ ପୁରୁଣ ହେଉଛି। ଏହା ଛଡା ଭାରତ ହିଁ ଏକମାତ୍ର ଗଣତାନ୍ତ୍ରିକ ଦେଶ ଯିଏ ପ୍ୟୁପିଲ୍ସ ରିପବ୍ଲିକ ଅଫ ଚୀନ (ପିଆରସି)କୁ ମାନ୍ୟତା ଦେଇଥିବା ବିଶ୍ୱର ପ୍ରଥମ ଅଣ ସମାଜବାଦୀ ରାଷ୍ଟ୍ର ଥିଲା ବୋଲି ବିକ୍ରମ କହିଥିଲେ।  

   Related Posts