ନୂଆପଡା ୦୫।୧୨ : ନୂଆପଡାରେ ଥମିବାର ନାମ ନେଇନାହିଁ ଭାଲୁ ଆତଙ୍କ । ପ୍ରତିଦିନ ଭାଲୁ ଆକ୍ରମଣ ଘଟଣା ବଢିବାରେ ଲାଗିଛି । କିଛି ଦିନ ହେଲା ଭାଲୁଙ୍କ ଆକ୍ରମଣର ଘଟଣା ଅଧିକ ହେଉଥିବାର ଦେଖିବାକୁମ ମିଳିଛି । ଆଜି ପୁଣି ଭାଲୁ ଆକ୍ରମଣରେ ଧରମବନ୍ଧା ଗାଁର ଦିନେଶ ରାଉତ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ତାଙ୍କୁ ନୂଆପଡ଼ା ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଆଜି ଦିନ ୧୧ଟା ସମୟରେ ଦିନେଶ ନିଜ ସ୍ତ୍ରୀଙ୍କ ସହ ନିକଟରେ ଥିବା କେନାଲକୁ ଯାଇଥିଲେ । କେନାସରେ ଗୋଧୋଇବା ସମୟରେ ଭାଲୁ ଆକ୍ରମଣ କରିଛି । ସ୍ୱାମୀ ଆଖି ସାମ୍ନାରେ ଭାଲୁ ଆକ୍ରମଣ କରୁଥିବା ଦେଖି ସ୍ତ୍ରୀ ଡରିଯାଇଥିଲେ । ସାହାସ କରି ଭାଲୁକୁ ଘଉଡାଇବା ପାଇଁ ଚେଷ୍ଟ କରିଥିଲେ । ଭାଲୁଟି ଚିତ୍କାର ଶୁଣି ଘଟଣାସ୍ଥଳରୁ ପଳାଇଯାଇଥିଲା । ସେପଟେ ସ୍ତ୍ରୀ ଗୁରୁତର ଅବସ୍ଥାରେ ସ୍ୱାମୀଙ୍କୁ ଉଦ୍ଧାର କରି ନୂଆପଡ଼ା ମେଡିକାଲରେ ଭର୍ତ୍ତି କରିଛନ୍ତି । ମେଡିକାଲରେ ତାଙ୍କ ଚିକିତ୍ସା ଜାରି ରହିଛି । ଗାଁକୁ ଲାଗି ସୁନାବେଡ଼ା ଅଭୟାରଣ୍ୟ ରହିଥିବା ବେଳେ, ବନ୍ୟଜନ୍ତୁ ବାରମ୍ବାର ଗାଁ ମୁହାଁ ହେବା ସହ ଧନ ଜୀବନ ନଷ୍ଟ କରୁଛନ୍ତି ।
