ନୀଳଗିରି, ୧/୧୦: ଭାଲୁ ଆକ୍ରମଣରେ ବୃଦ୍ଧ ଗୁରୁତର ହୋଇଥିବା ଜଣାପଡିଛି । ନୀଳଗିରି ଥାନା ଅଧିନ ଗୋପୀନାଥପୁର ଶାସନର ଚିତ୍ତରଞ୍ଜନ ଦାଶ ସେହି ଅଂଚଳର ପାଇକ ସାହି ରାସ୍ତା ଦେଇ ଘରକୁ ଚାଲି ଚାଲି ଆସୁଥିଲେ । ଦୁଇଟି ଭାଲୁ ସେହି ରାସ୍ତା ଦେଇ ଯାଉଥିବା ବେଳେ ଭାଲୁ ସହିତ ସାମ୍ନାସାମ୍ନୀ ହୋଇ ଯାଇଥିଲେ । ଭାଲୁଟି ତାଙ୍କ ଉପରକୁ ଝାମ୍ପ ମାରିବାରୁ ସେ ମୁହଁ ମାଡି ପଡି ଯାଇଥିଲେ । ତାଙ୍କ ପିଠିରେ ଗଭୀର ଆଘାତ ଲାଗିଥିବା ଜଣାପଡିଛି । ସେ ଚିତ୍କାର କରିବାରୁ ଭାଲୁ ଗୁଡିକ ଛାଡି ପଳାଇ ଯାଇଥିଲେ । ତାଙ୍କୁ ଗୁରୁତର ଭାବେ ନୀଳଗିରି ହସ୍ପିଟାଲରେ ଭର୍ତ୍ତି କରାଯାଇଛି ।