କରଞ୍ଜିଆ ୨୩/୦୮: ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ରେଞ୍ଜ ସାଲେଇବେଡା ଗ୍ରାମପଞ୍ଚାୟତ ଜାମପୋଷି ଗ୍ରାମରେ ଭାଲୁ ଆକ୍ରମଣରେ ଜଣେ ଗୁରୁତର । ଆଜି ସକାଳୁ ଗ୍ରାମର ରାନ୍ଦ ହୋ ନାମକ ଜଣେ ବ୍ୟକ୍ତି ନିକଟରେ ଥିବା ତାଙ୍କ କୁସୁମ ଗଛକୁ କୋଳି ତୋଳିବାକୁ ଯାଇଥିବା ବେଳେ ହଠାତ ମାଆ ଭାଲୁ ସହ ଦୁଇଟି ଛୁଆ ଭାଲୁ ତାଙ୍କୁ ଆକ୍ରମଣ କରିଥିଲେ ।

ତାଙ୍କ ଜଙ୍ଘ ଓ ହାତରେ ଗଭୀର କ୍ଷତ କରିଥିଲେ । ଆକ୍ରମଣରେ ରାନ୍ଦ ହୋର ଚିତ୍କାର ଶୁଣି ଆଖପାଖରେ ଥିବା ଲୋକେ ଦୌଡ଼ି ଆସି ଭାଲୁ ତିନୋଟିକୁ ଘଉଡ଼ାଇ ଦେଇ ତାଙ୍କୁ ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସ ଯୋଗେ ଠାକୁରମୁଣ୍ଡା ମେଡ଼ିକାଲରେ ଭର୍ତ୍ତି କରିଛନ୍ତି ।