ବୋରିଗୁମ୍ମା ୧୨/୦୯: ଗଛ ଉପରେ ଚଢିଛି ଭାଲୁ । ଆଉ ତଳେ ଜଗିଛନ୍ତି ମଣିଷ । କୋରାପୁଟ ଜିଲ୍ଲା ବିସିଂହପୁର ଥାନା ଅନ୍ତର୍ଗତ ନକୁଳଗୁଡାରେ ଦେଖିବାକୁ ମିଳିଛି ଏଭଳି ଦୃଶ୍ୟ ।କଟରିୟା ସାହି ନିକଟରେ ଥିବା ପାଆଂଛି ଗଛରେ ଭାଲୁ ଚଢିକି ବସିଛି ।
ଆଜି ଭୋରରୁ ଗଛ ମୂଳରେ ଭାଲୁ ଥିବା ଗାଁ ଲୋକ ଦେଖିଥିଲେ । ଏହାପରେ ଭାଲୁକୁ ଦେଖିବା ପାଇଁ ଗାଁ ଲୋକଙ୍କ ଭିଡ଼ ଜମିଥିଲା । ଇତି ମଧ୍ୟରେ ସକାଳ ହେବାରୁ ଭାଲୁ କେଉଁ ଆଡେ ଯାଇନପାରି ଗଛର ୩୦ ଫୁଟ ଉପରେ ଏକ ତିନି ଚାରୋଟି ପତଳା ଡାଳକୁ ଧରି ରହିଛି। ବୋରିଗୁମା ବନ ବିଭାଗ କର୍ମଚାରୀଙ୍କୁ ବି ଖବର ଦିଆଯାଇଛି । ଆଉ ଅଳ୍ପ ସମୟ ମଧ୍ୟରେ ଘଟଣା ସ୍ଥଳରେ ପହଞ୍ଚିବେ ବନ ବିଭାଗ ।