ନୀଳଗିରି,୧୯/୧୦:- ନୀଳଗିରିରେ ଭାଲୁ ଆତଙ୍କ । ସୋମବାର ରାତ୍ରରେ ଜଣେ ଯୁବକ ଡିଉଟିରୁ ଫେରିବା ବେଳେ ଦୁଇଟି ଭାଲୁ ସାଇକେଲରୁ ତାଙ୍କୁ ଟାଣି ପକାଇ ଆକ୍ରମଣ କରି ଗୁରୁତର କରି ପକାଇଛି।
ସୂଚନା ଅନୁସାରେ, ବାଲେଶ୍ଵର ଜିଲ୍ଲା ନୀଳଗିରି ଥାନା ଅଧିନ ବାଲିଓରା ଗ୍ରାମର କରୁଣାକର ଜେନା(୫୫) ସୋମନାଥପୁର ଅଞ୍ଚଳରେ ଏକ ଆଜବେଷ୍ଟ କମ୍ପାନିରେ କାମ କରନ୍ତି । ସୋମବାର ରାତିରେ ସେ ସାଇକେଲରେ ଘରକୁ ଫେରୁଥିଲେ। ରାତ୍ର ୧୧ ଟାରେ ନିଶ୍ଚିନ୍ତପୁର ଅଞ୍ଚଳରେ ଦୁଇଟି ଭାଲୁ ତାଙ୍କୁ ସାଇକେଲରୁ ଟାଣି ପକାଇ ଆକ୍ରମଣ କରିଥିଲେ।ଫଳରେ ତାଙ୍କ ମୁଣ୍ଡ ସମେତ ଶରୀରର ବହୁ ସ୍ଥାନ କ୍ଷତ ହୋଇଥିବା ଜଣାପଡିଛି। ତାଙ୍କୁ ଗୁରୁତର ଭାବେ ନୀଳଗିରି ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି।