Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସମୁଦ୍ରରେ ଗାଧୋଉଥିବା ବେଳେ ଭାସିଗଲେ ୨ ଯୁବକ, ଜଣେ ଉଦ୍ଧାର, ଅନ୍ୟଜଣେ ନିଖୋଜ
  • ||
  • ସ୍ୱାଧିନତା ଦିବସ ଉତ୍ସବରେ ସାମିଲ ହେଲା ଗୁଗଲ, ଡୁଡଲ ମାଧ୍ୟମରେ ଜଣାଇଲା ଶୁଭେଚ୍ଛା
  • ||
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ସାବଧାନ ! ରାଜଧାନୀରେ ମାତିଛନ୍ତି ଲୁଟେରା, ୨୪ ଘଣ୍ଟାରେ ୬ ଜଣଙ୍କୁ ଲୁଟ୍‌ପାଟ୍ ସହ ମରଣାନ୍ତକ ଆକ୍ରମଣ

31/07/2019 at 9:17 AM

ଭୁବନେଶ୍ବର ୩୧|୭: ରାଜଧାନୀରେ ଲୁଟେରା ରାଜ୍ । ୨୪ ଘଣ୍ଟାରେ ୬ ଜଣଙ୍କୁ ଲୁଟପାଟ ସହ ଆକ୍ରମଣ କରିଛନ୍ତି ଲୁଟେରା । ବିଳମ୍ବିତ ରାତିରେ ମଞ୍ଚେଶ୍ବର ଥାନା ଅଧୀନ ତୃପ୍ତି ହୋଟେଲ ମାଲିକଙ୍କୁ ଆକ୍ରମଣ । ରସୁଲଗଡ ଛକରେ ଖଣ୍ଡାରେ ହାଣି ତାଙ୍କ ନିକଟରେ ଥିବା ସୁନା ଚେନ ଓ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ଗୁରୁତର ହୋଟେଲ ମାଲିକ ବୁଲୁ ସାମନ୍ତରାୟଙ୍କୁ ଭୁବନେଶ୍ବରର ଏକ ଘରୋଇ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ସେହିପରି ଭୁବନେଶ୍ବର-ପୁରୀ ବାଇପାସ୍ ରୋଡ୍ ପାଣ୍ଡରାରେ ଲୁଟ୍ । ବାଇକ୍ ରେ ଆସି ଆତଙ୍କ ଖେଳାଇଲେ ୫ ଲୁଟେରା । ମହିମା ମୋଟର୍ସ  ସୋ ରୁମ୍ ଭିତରେ ପଶି ଲୁଟ୍ କରିଛନ୍ତି ଦୁର୍ବୃତ୍ତ । ସୋ ରୁମ୍ ର ମାଲିକ  ଓ ଗ୍ରାହକ  ମାନଙ୍କୁ  ମାରଣାସ୍ତ୍ରରେ ଆକ୍ରମଣ କରିଛନ୍ତି , ୫ଜଣ  ଲୁଟେରା ।  ଜଣେ ଗ୍ରାହକଙ୍କଠାରୁ ୨ ଲକ୍ଷ ଓ ସୋରୁମ୍ ର ମାଲିକ ଠାରୁ  ସୁନା ଚେନ୍ ଲୁଟି ନେଇଛନ୍ତି ।   ରାଇରଙ୍ଗପୁର ଗ୍ରାହକ ଭିକି ଶର୍ମା ଆହତ ହୋଇଛନ୍ତି ।

ସେହିପରି ବୁଧବାର ଭୋରୁ ମଞ୍ଚେଶ୍ବର ଥାନା ଅନ୍ତର୍ଗତ  ଗାଢକଣ କେଳୁଚରଣ ପାର୍କ ସାମ୍ନାରେ ଲୁଟପାଟ କରିଥିଲେ ଲୁଟେରା । ଗାଢକଣର ଉମାକାନ୍ତ ମିଶ୍ର ତାଙ୍କ ପରିବାର ସହିତ ଏକ ଅଟୋରେ ଷ୍ଟେସନ ଅଭିମୁଖେ ବାହାରିଥିବା ବେଳେ ତିନିଜଣ ଯୁବକ ବାଇକରେ ଆସି ପିସ୍ତଲ ଦେଖାଇଥିଲେ ।  ଭୟରେ ଅଟୋରେ ଥିବା ପରିବାର  ସମସ୍ତ ଗହଣା ଖୋଲି ଲୁଟେରା ମାନଙ୍କୁ ଦେଇ ଦେଇଥିଲେ । ତେବେ ସେଠାରୁ ଯାଇ ସମାନ ରାସ୍ତାରେ ଅନ୍ୟ ଦୁଇଜଣଙ୍କ ଠାରୁ ମଧ୍ୟ ଲୁଟ କରିଥିଲେ ଲୁଟେରା ।

ଗତ କିଛିଦିନ ତଳେ ଖଣ୍ଡଗିରି ବାରିରୁ ଲୁଟ ହୋଇଥିବା କାରକୁ ଉଦ୍ଧାର କରିବାରେ ସକ୍ଷମ ହୋଇପାରିନାହିଁ କମିସନରେଟ ପୋଲିସ । ସେହିଭଳି ପୋଖରୀପୁଟର କାରଲୁଟ ଘଟଣାର ମଧ୍ୟ  ଖିଅ ପାଉନାହିଁ ପୋଲିସ । ମୋଟାମୋଟି ଦେଖିବାକୁ ଗଲେ ରାଜଧାନୀକୁ ଅପରାଧ ମୁକ୍ତ କରିବାକୁ ଗୋଟିଏ ପଟେ ପୋଲିସ ଅପରେସନ ପରେ ଅପରେସନ କରୁଥିବା ବେଳେ  ଅପରାଧୀମାନେ କିନ୍ତୁ ସେମାନଙ୍କର କାମ ଜାରି ରଖିଛନ୍ତି ।

   Related Posts