ନୂଆଦିଲ୍ଲୀ,୦୧/୦୩: ବିସିସିଆଇର କଠୋର କାର୍ଯ୍ୟାନୁଷ୍ଠାନ ପରେ କେନ୍ଦ୍ରୀୟ ଚୁକ୍ତିରେ ଥିବା ଖେଳାଳିଙ୍କ ମଧ୍ୟରେ ଭୟ ସଂଚାର ହୋଇଛି । ଗତ ଦିନିକିଆ ବିଶ୍ୱକପ୍ ଅଧାରୁ ହାର୍ଦ୍ଦିକ ପାଣ୍ଡ୍ୟା ଅନ୍ତର୍ଜାତୀୟ କ୍ରିକେଟ୍କୁ ଫେରି ନାହାନ୍ତି । ବିସିସିଆଇ ତାଙ୍କୁ କେନ୍ଦ୍ରୀୟ ଚୁକ୍ତିରେ ସ୍ଥାନ ଦେଇଥିଲେ ମଧ୍ୟ ହାର୍ଦ୍ଦିକ୍ ମନରେ ଭୟ ଖେଳିଯାଇଛି । ତେବେ ସେ ଇତି ମଧ୍ୟରେ ସୁସ୍ଥ ହୋଇ ଅଭ୍ୟାସ ଆରମ୍ଭ କରି ଦେଇଛନ୍ତି ।
ଏହାର ଅର୍ଥ ହେଉଛି, ସେ ଅନ୍ତର୍ଜାତୀୟ ମ୍ୟାଚ୍ ଖେଳୁ ନଥିଲେ ଘରୋଇ କ୍ରିକେଟ୍ ଖେଳିବା ଆବଶ୍ୟକ । ଇଣ୍ଡିଆନ ଏକ୍ସପ୍ରେସର ରିପୋର୍ଟ ଅନୁସାରେ, ପାଣ୍ଡ୍ୟା ବିସିସିଆଇକୁ ପ୍ରତିଶ୍ରୁତି ଦେଇ କହିଛନ୍ତି , ଯେ ଯଦି ଅନ୍ତର୍ଜାତୀୟ ମ୍ୟାଚ୍ ନଥାଏ ତେବେ ଘରୋଇ ଦିନିକିଆ କ୍ରିକେଟ୍ ଖେଳିବି ।’ ଆୟର ଓ କିଷନଙ୍କ ଉପରେ କାର୍ଯ୍ୟାନୁଷ୍ଠାନ ହେବା ପରେ ଇରର୍ଫାନ ପଠାନ ଅଲରାଉଣ୍ଡର ପାଣ୍ଡ୍ୟାଙ୍କ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି ।
wp:embed {"url":"https://www.prameyanews7.com/paytm-payments-bank-to-discontinue-inter-company-pacts-to-reduce-dependencies/","type":"wp-embed","providerNameSlug":"prameya-news-7"}ବ୍ୟାଟର ଶ୍ରେୟାସ ଆୟର ଓ ୱିକେଟ୍କିପର ବ୍ୟାଟର ଈଶାନ କିଷନଙ୍କୁ ସମର୍ଥନ ଜଣାଇଛନ୍ତି ପୂର୍ବତନ ଅଲରାଉଣ୍ଡର ଇରଫାନ ପଠାନ । ସୋସିଆଲ ମିଡିଆ ଏକ୍ସରେ ସେ ଲେଖିଛନ୍ତି, ‘ଆୟର ଓ କିଷନ ପ୍ରତିଭାବାନ ଖେଳାଳି । ସେମାନେ ପୁଣି ଫେରିବେ । ଯଦି ହାର୍ଦ୍ଦିକ ପାଣ୍ଡ୍ୟାଙ୍କ ଭଳି ଖେଳାଳି ପ୍ରଥମ ଶ୍ରେଣୀ କ୍ରିକେଟ୍ ଖେଳିବାକୁ ଚାହୁଁ ନାହାନ୍ତି, ତେବେ ସେମାନେ ଜାତୀୟ ଦଳରୁ ଦୂରେଇ ରହି ଘରୋଇ ଦିନିକିଆ କ୍ରିକେଟ୍ ଖେଳିବେ ତ ? ଯଦି ସମସ୍ତଙ୍କ ପାଇଁ ନୀତି ସମାନ ନହେବ, ତେବେ ଭାରତୀୟ କ୍ରିକେଟ୍ ଆଶାନୁରୂପ ଫଳ ପାଇ ପାରିବ ନାହିଁ ।’
