ନୂଆଦିଲ୍ଲୀ, ୧୬|୦୮: ବିସିସିଆଇର ପୂର୍ବତନ ଅଧିକାରୀ ଓ ଝାଡଖଣ୍ଡ କ୍ରିକେଟ ଆସୋସିଏସନର ପ୍ରାକ୍ତନ ଅଧ୍ୟକ୍ଷ ଅମିତାଭ ଚୌଧରୀଙ୍କ ମଙ୍ଗଳବାର ପରଲୋକ ଘଟିଛି । ୫୮ ବର୍ଷୀୟ ଅମିତାଭ ହୃଦଘାତରେ ପ୍ରାଣ ହରାଇଛନ୍ତି । ଝାଡଖଣ୍ଡ କ୍ରିକେଟ୍ ଆସୋସିଏସନ ଏନେଇ ସୂଚନା ଦେଇଛି ।  

ଅମିତାଭ ଝାଡଖଣ୍ଡ କ୍ରିକେଟକୁ ଏକ ନୂଆ ଦିଗ ଦେଇଥିଲେ । ରାଞ୍ଚୀରେ ଅନ୍ତରାଷ୍ଟ୍ରୀୟ ଷ୍ଟାଡିୟମ ତିଆରିରେ ତାଙ୍କର ଭୂମିକା ଅଧିକ ଥିଲା । ସେ ଦୀର୍ଘଦିନ ଧରି ଝାଡଖଣ୍ଡ କ୍ରିକେଟ ଆସୋସିଏସନର ନେତୃତ୍ୱ ନେଇଥିଲେ । ଏହାସହ ବିସିସିଆଇର ଯୁଗ୍ମ ସମ୍ପାଦକ ମଧ୍ୟ ସେ ରହିଥିଲେ ।

ତାଙ୍କ ମୃତ୍ୟୁରେ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସମେତ ଅନେକ ବ୍ୟକ୍ତି ଶୋକବ୍ୟକ୍ତ କରିଛନ୍ତି । ହେମନ୍ତ ଟ୍ୱିଟ୍ କରି କହିଛନ୍ତି ଯେ, ଜେପିଏସସିର ପୂର୍ବତନ ଅଧ୍ୟକ୍ଷ ଅମିତାଭଙ୍କ ଆକସ୍ମିକ ମୃତ୍ୟୁ ଦୁଃଖ ଦେଇଛି । ଅମିତାଭ ଜଣେ ପୂର୍ବତନ ଆଇପିଏସ ଅଧିକାରୀ ମଧ୍ୟ । ସେ ଝାଡଖଣ୍ଡରେ କ୍ରିକେଟର ବିକାଶ ଦିଗରେ ଅନେକ କାର୍ଯ୍ୟ କରିଥିଲେ । ଭଗବାନ ତାଙ୍କ ଆତ୍ମାକୁ ସଦଗତି ପ୍ରଦାନ କରନ୍ତୁ ବୋଲି ସେ ଟ୍ୱିଟ୍ କରିଛନ୍ତି ।

wp:html

#JPSC के पूर्व अध्यक्ष श्री अमिताभ चौधरी जी के आकस्मिक निधन की दुःखद खबर मिली।
पूर्व IPS अधिकारी अमिताभ जी ने राज्य में क्रिकेट के खेल को बढ़ाने में भी महत्वपूर्ण भूमिका निभाई थी।
परमात्मा दिवंगत आत्मा को शांति प्रदान कर शोक संतप्त परिवार को दुःख की घड़ी सहन करने की शक्ति दे।

— Hemant Soren (@HemantSorenJMM) August 16, 2022

/wp:html

ଅମିତାଭ ଜଣେ ଆଇପିଏସ ଥିଲେ । ସେ ରାଜନୀତିରେ ମଧ୍ୟ ନିଜର ଦବଦବା ଜାହିର କରିଥିଲେ । କିନ୍ତୁ ନିର୍ବାଚନରେ ସାଂସଦ ପଦ ପାଇଁ ଲଢି ପରାସ୍ତ ହୋଇଥିଲେ । ପରେ କ୍ରିକେଟ ଜଗତରେ ସେ ପାଦ ଦେଇଥିଲେ । ସେ ଭାରତୀୟ ଦଳର ମ୍ୟାନେଜର ରହିଥିଲେ । 2005-06ରେ ଭାରତର ଜିମ୍ବାଓ୍ୱେ ଗସ୍ତ ବେଳେ ସେ ଦଳର ମ୍ୟାନେଜର ଭୂମିକା ନିଭାଇଥିଲେ ।