ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବିବିସି ଦ୍ୱାରା ପ୍ରସ୍ତୁତ ଡକ୍ୟୁମେଣ୍ଟାରୀକୁ ନେଇ ବିବାଦ ମଧ୍ୟରେ ବିଜେପି ସାଂସଦ ତଥା ବରିଷ୍ଠ ଆଇନଜୀବୀ ମହେଶ ଜେଠମଲାନୀ ବଡ଼ ଅଭିଯୋଗ ଆଣିଛନ୍ତି । ବିବିସିର ପ୍ରୋପାଗଣ୍ଡକୁ ଚୀନ ଫଣ୍ଡିଂ କରୁଥିବାର ସେ ଅଭିଯୋଗ ଆଣିଛନ୍ତି । ବିଜେପି ସାଂସଦ ଟ୍ୱିଟ୍ କରି କହିଛନ୍ତି ଯେ ବିବିସିକୁ ପ୍ରଚୁର ଅର୍ଥରାଶିର ଆବଶ୍ୟକତା ରହିଛି ଏବଂ ସେ ଚୀନ କମ୍ପାନି ହୁୱେଇଠାରୁ ଏହା ନେଉଛି ।

ରାଜ୍ୟସଭା ସାଂସଦ ମହେଶ ଜେଠମଲାନୀ ଟ୍ୱିଟ କରି ଲେଖିଛନ୍ତି, ‘ବିବିସି ଭାରତ ବିରୋଧୀ କାହିଁକି ? କାରଣ ଏହାକୁ ପୁଞ୍ଜିର ଜରୁରୀ ଆବଶ୍ୟକତା ରହିଛି ଏବଂ ଏହାକୁ ସେ ଚୀନ ସରକାର ଜଡିତ ହୁୱେଇରୁ ହାସଲ କରୁଛି’ । ସେ କହିଛନ୍ତି ବିବିସି ଚୀନରେ ଏଜେଣ୍ଡାକୁ ଆଗକୁ ବଢାଇବା ପାଇଁ ପୁଞ୍ଜି ନେଉଛି । ଏହା ଏକ କେସ୍-ଫର-ପ୍ରୋପାଗଣ୍ଡା ଚୁକ୍ତି ଅଟେ ।

Why is #BBC so anti-India? Because it needs money desperately enough to take it from Chinese state linked Huawei (see link) & pursue the latter’s agenda (BBC a fellow traveller, Comrade ⁦Jairam?)It’s a simple cash-for-propaganda deal. BBC is up for sale https://t.co/jSySg542pl

— Mahesh Jethmalani (@JethmalaniM) January 31, 2023

ନିଜ ଟ୍ୱିଟ୍ ସହ କଥିତ ପ୍ରମାଣ ରୂପେ ସେ ଏକ ଲିଙ୍କ ସେୟାର କରି କଂଗ୍ରେସ ନେତା ଜୟରାମ ରମେଶଙ୍କୁ ବିବିସିର ସହଯୋଗୀ କମ୍ରେଡ ବୋଲି କହିଛନ୍ତି । ବିଜେପି ସାଂସଦ ୨୦୨୨ ଅଗଷ୍ଟରେ ୟୁକେର ପତ୍ରିକା ଦ ସ୍ପେକ୍ଟେଟରରେ ପ୍ରକାଶିତ ଏକ ରିପୋର୍ଟର ଲିଙ୍କ ସେୟାର କରିଛନ୍ତି, ଏଥିରେ ହୁୱେଇଠାରୁ ବିବିସି ପୁଞ୍ଜି ନେଇଥିବା ଅଭିଯୋଗ ହୋଇଛି ।