ପୁରୀ ୦୧/୦୬: ମହାପ୍ରଭୁଙ୍କ ସେନାପଟା ଲାଗି ପାଇଁ ପୁରୀରେ ପହଞ୍ଚିଲା ବଉଳ କାଠ । ସତ୍ୟବାଦୀ ଅଞ୍ଚଳରୁ ଆସିଛି ଏହି ବଉଳ କାଠ । ଜୁନ୍ ୪ ରେ ପବିତ୍ର ଦେବସ୍ନାନ ପୂର୍ଣ୍ଣିମା ଥିବାରୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ବଉଳ ଗଛ ଚିହ୍ନଟ କରାଯିବା ପରେ ପୂଜାର୍ଚ୍ଚନା କରାଯାଇ ଗଛକୁ କଟା ଯାଇଥିଲା । ତେବେ ଶଗଡ଼ ସାହାଯ୍ୟରେ ଗତକାଲି ରାତିରେ ଏହା ପୁରୀରେ ଆସି ପହଞ୍ଚିଛି ।

ଜୁନ୍ ୪ରେ ମହାପ୍ରଭୁଙ୍କ ଦେବସ୍ନାନ ପୂର୍ଣ୍ଣିମା ଥିବାବେଳେ ମହାପ୍ରଭୁଙ୍କ ସେନାପଟା ଲାଗି ନୀତିରେ ଏହା ଲାଗି କରାଯିବ । ପହଣ୍ଡି ସମୟରେ ଶ୍ରୀଅଙ୍ଗ ସୁରକ୍ଷା ପାଇଁ ଏହି କାଠର ବେଶ୍ ଆବଶ୍ୟକ ଥାଏ । ତେବେ ଆସନ୍ତାକାଲି ଦଇତା ପ୍ରବେଶ ଥିବାବେଳେ ମହାପ୍ରଭୁଙ୍କ ବାହୁଟ କଣ୍ଟ ନୀତି କରିବେ ଏହି ସେବାୟତ । ଏହା ପର ଦିନ ବଉଳ କାଠକୁ ମାପଚୁପ କରାଯାଇ ସ୍ନାନ ପୂର୍ଣ୍ଣିମାରେ ପହଣ୍ଡି ପାଇଁ ଏହାକୁ ସେନାପଟା ଭାବେ ବ୍ୟବହାର କରି ଶ୍ରୀଅଙ୍ଗକୁ ସୁରକ୍ଷା ଦିଆଯିବାର ବିଧି ରହିଛି।