ଅସୁସ୍ଥ ହେଲେ ବୌଦ୍ଧ ଉପ ଜିଲ୍ଲାପାଳ; ଗୁରୁତର ଭାବେ କ୍ୟାପିଟାଲ୍‌ ମେଡିକାଲ୍‌ ସ୍ଥାନାନ୍ତର

Published By : Prameya-News7 Bureau | March 07, 2023 IST

ବୌଦ୍ଧ ୦୭/୦୩: ବୌଦ୍ଧ ଉପ ଜିଲ୍ଲାପାଳ ରବୀନ୍ଦ୍ର ନାଥ କହଁର ଗୁରୁତର। ଲୁଣିବାହାଲ ଛାତ୍ରାବାସ ପରିଦର୍ଶନରେ ଯାଇଥିବା ବେଳେ ଗୋଡ଼ ଖସି ଯିବାରୁ ଗୁରୁତର ତାଙ୍କ ମୁଣ୍ଡରେ ଆଘାତ ଲାଗିଛି। ଚିକିତ୍ସାଧୀନ ଅବସ୍ଥାରେ ତାଙ୍କୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲ ସ୍ଥାନାନ୍ତର କରାଯାଇଛି। ଏବେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ସୂଚନା ମିଳିଛି।

ଖବର ଅନୁସାରେ, ମଙ୍ଗଳବାବାର ଉପ ଜିଲ୍ଲାପାଳ ରବୀନ୍ଦ୍ର ନାଥ କହଁର ହରଭଙ୍ଗା ବ୍ଲକ୍ ଲୁନିବହାଲ ସ୍ଥିତ ଜନଜାତି ଛାତ୍ରାବାସ ପରିଦର୍ଶନ ରେ ଯାଇଥିଲେ। ଛାତ୍ରାବାସର ବାରଣ୍ଡାରେ ଲାଗିଥିବା ମାର୍ବଲରେ ତାଙ୍କ ଗୋଡ ଖସିଯିବାରୁ ସେଠାରେ ସେ ପଡ଼ିଯାଇଥିଲେ। ଫଳରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ସଙ୍ଗେ ସଙ୍ଗେ ତାଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା। ସେଠାରେ ତାଙ୍କ ସ୍ୱାସ୍ଥ୍ୟାବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ତେବେ ବର୍ତ୍ତମାନ ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାପଡିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.