ଭୁବନେଶ୍ଵର: ଆଜି ନବୀନ ନିବାସକୁ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଶୀର୍ବାଦ ନେଇଛନ୍ତି ପଦ୍ମପୁରର ନବନିର୍ବାଚିତ ବିଧାୟିକା ବର୍ଷା ସିଂ ବରିହା। ପଦ୍ମପୁରର ପୂର୍ବତନ ବିଧାୟକ ବିଜୟ ରଞ୍ଜନ ସିଂ ବରିହାଙ୍କ ଦେହାନ୍ତ ପରେ ସେଠାରେ ଉପନିର୍ବାଚନ ହୋଇଥିଲା । ବିଜୟ ରଞ୍ଜନଙ୍କ ଝିଅ ବର୍ଷା ସିଂ ବରିହାଙ୍କୁ ପ୍ରାର୍ଥୀ କରିଥିଲା ବିଜେଡି । ଉପନିର୍ବାଚନରେ ୪୨ହଜାରରୁ ଅଧିକ ଭୋଟ୍ ବ୍ୟବଧାନରେ ବିଜୟୀ ହୋଇଥିଲେ ବର୍ଷା । ବର୍ଷାଙ୍କ ବିଜୟରେ ଶୁଭେଚ୍ଛା ଜଣାଇଥିଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସ ଆସିବା ପୂର୍ବରୁ ଭୁବନେଶ୍ବର ସ୍ଥିତ ଶାଶୂଘରକୁ ଯାଇ ଶାଶୂ-ଶ୍ବଶୂରଙ୍କ ଆଶୀର୍ବାଦ ନେଇଥିଲେ ବର୍ଷା ।
{"id":719252,"sizeSlug":"full","linkDestination":"none"}![](https://www.prameyanews7.com/wp-content/uploads/2022/12/vlcsnap-2022-12-09-20h43m25s346.png)
ପଦ୍ମପୁର ଉପନିର୍ବାଚନରେ ବାଜି ମାରିଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା । ବର୍ଷାଙ୍କୁ ମିଳିଛି ୧ ଲକ୍ଷ ୨୦ହଜାର ୮୦୭ ଭୋଟ୍ । ନିକଟତର ବିଜେପି ପ୍ରାର୍ଥୀ ପ୍ରଦୀପ ପୁରୋହିତଙ୍କୁ ସେ ୪୨ ହଜାରରୁ ଅଧିକ ଭୋଟ୍ ବ୍ୟବଧାନରେ ହରାଇଛନ୍ତି ବର୍ଷା। ପଦ୍ମପୁରରେ ବିଜେଡିର ଏହି ଅଭୂତପୂର୍ବ ବିଜୟ ପାଇଁ ପଦ୍କପୁରବାସୀଙ୍କୁ ଧନ୍ୟବାଦ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କହିଛନ୍ତି ଏହି ବିଜୟ ଆଉ କାହାର ନୁହେଁ, ଏହା ପଦ୍ମପୁରବାସୀଙ୍କର ବିଜୟ । ସେହିଭଳି ବିଜେଡିର ଲକ୍ଷ ଲକ୍ଷ କର୍ମୀମାନଙ୍କୁ ଧନ୍ୟବାଦ ଜଣାଇଛନ୍ତି ବିଜେଡି ସୁପ୍ରିମୋ ।ସେମାନେ ସରକାରଙ୍କ ଭଲ ଭଲ ଯୋଜନାଗୁଡ଼ିକୁ ଲୋକଙ୍କ ପାଖରେ ପହଞ୍ଚାଇବା ସହ ବିରୋଧୀ ଦଳର ସବୁ ମିଛ କଥାକୁ ଲୋକଙ୍କ ସମ୍ମୁଖରେ ରଖିଛନ୍ତି ବୋଲି କହିଥିଲେ ନବୀନ ।