ଭୁବନେଶ୍ବର ୦୬।୦୨ : ବରମୁଣ୍ଡା ବସ୍ ଷ୍ଟାଣ୍ଡରେ ବୋମାମାଡ଼ । ହୋଟେଲ୍ରେ ଖାଇବା ବେଳେ ବଚସାକୁ ନେଇ ବୋମାମାଡ଼ ହୋଇଥିବା ସୂଚନା । ଖଣ୍ଡଗିରି ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ରବିବାର ବିଳମ୍ବିତ ରାତିରେ ବରମୁଣ୍ଡା ବସ୍ଷ୍ଟାଣ୍ଡ ନିକଟରେ ଥିବା ଏକ ହୋଟେଲରେ ଖାଇବା ବେଳେ ବଚସା ହୋଇଥିଲା । ଯେଉଁଥିରେ ୨ ଜଣ ଆସି ବୋମାମାଡ କରିଥିଲେ । ଏହାର କିଛି ସମୟ ପରେ ପୁନର୍ବାର ଆସି ବୋମାମାଡ଼ କରିଥିଲେ ୨ ଦୁର୍ବୃତ୍ତ ।
ତେବେ ବୋମାମାଡ଼ରେ କ୍ଷୟକ୍ଷତି ସଂପର୍କରେ ସବିଶେଷ ସୂଚନା ମିଳିନଥିବା ବେଳେ ଖଣ୍ଡଗିରି ଥାନା ପୋଲିସ ଛାନ୍ଭିନ୍ ଜାରି ରଖିଛି । ଏହାସହିତ ଜଣଙ୍କୁ ଅଟକ ରଖି ତଦନ୍ତ କରୁଛି ପୋଲିସ ।