scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅଧର୍ମ ଉପରେ ଧର୍ମର ଜୟ, କଂସ ବଧ ସହ ବରଗଡ ଧନୁଯାତ୍ରା ଶେଷ

7/01/2023 at 7:57 AM

ବରଗଡ଼ ୦୭।୦୧ : କଂସ ବଧ ସହ ବରଗଡ ଧନୁଯାତ୍ରା ଶେଷ ହୋଇଛି । ୭୫ତମ ବିଶ୍ୱ ପ୍ରସିଦ୍ଧ ଧନୁଯାତ୍ରାର ମହୋତ୍ସବ ଧୁମଧାମରେ ସରିଛି। ଅନ୍ତିମ ଦିବସରେ କୃଷ୍ଣ ବଳରାମଙ୍କ ଦ୍ୱାରା କୁବଳୟା ହସ୍ତୀ ବଧ, ଚାଣୁର-ମୁଷ୍ଟିକ, ଶିବଧନୁ ଭଙ୍ଗ, କଂସ ବଧ ପରେ ଉଗ୍ରସେନଙ୍କ ରାଜ୍ୟାଭିଷେକ ସହ ମହାନାଟକର ଯବନିକା ପଡିଛି ।

କୃଷ୍ଣ ବଳରାମଙ୍କୁ ହତ୍ୟାକରିବା ପାଇଁ କଂସ ମହାରାଜଙ୍କ ବଡବଡ ଯୋଦ୍ଧାମାନଙ୍କ ଭିତରେ ଚାଲିଥିଲା ପ୍ରତିଯୋଗିତା। କିଏକେଉଁ ପ୍ରକାରେ କୃଷ୍ଣ ବଳରାମଙ୍କସହ ଯୁଦ୍ଧ କରିବ ସେନେଇ ମହାରାଜ କଂସଙ୍କୁ ଅବଗତକରାଇଥିଲେ । ତା ପରେ ମଧ୍ୟ କଂସ ମନରୁ ସନ୍ଦେହ ଦୂର ହୋଇଥିଲା । ମହାରାଜ କଂସ ରାଜଦରବାରର ବିଭିନ୍ନ ଦ୍ୱାରରେ ବଡବଡଯୋଦ୍ଧାଙ୍କୁ ନିୟୋଜିତ କରିଥିଲେ । ମୁଖ୍ୟ ଦ୍ୱାରରେ ଛିଡା ହୋଇଥିବା କୁବଳୟା ହସ୍ତିକୁ ପ୍ରଥମେ ବଧ କରିବା ପରେ ଅଷ୍ଟମଲ୍ଲ ବୀରଗଣ କୃଷ୍ଣ ବଳରାମଙ୍କସହ ଯୁଦ୍ଧ କରି ନିହତ ହୋଇଥିଲେ ।

ପରେ କଂସଙ୍କ ଅଙ୍ଗରକ୍ଷୀମାନେ ମଧ୍ୟ କୃଷ୍ଣ ବଳରାମଙ୍କ ହାତରେ ନିହତ ହୋଇଥିଲେ । ଏପରି ସମୟରେ ରଣାଙ୍ଗନକୁ ନଯିବାପାଇଁ ମହାରାଣୀ ପଦ୍ମାବତୀ କଂସଙ୍କୁ ବାରଣ କରିଥିଲେ । ହେଲେ ରଣାଙ୍ଗନକୁ ଯିବା ପାଇଁ ବିଜୟଟିକା ମଥାରେ ଲଗାଇବା ପାଇଁ ରାଣୀଙ୍କୁ କହିଥିଲେ ମହାରାଜ କଂସ । କୃଷ୍ଣଙ୍କୁ ଯୁଦ୍ଧ ପାଇଁ ଆହ୍ୱାନ କରିଥିଲେ ମହାରଜ କଂସ ।କୃଷ୍ଣ ଓ କଂସଙ୍କ ଘମାଘୋଟ ଯୁଦ୍ଧ ପରେ ଶକ୍ତିହୀନ ହୋଇପଡିଥିଲେ କଂସ ମହାରଜ । ଶେଷରେ କୃଷ୍ଣଙ୍କ ହାତରେ ତାଙ୍କର ମୃତ୍ୟୁ ହୋଇଛି । ଯାହାକୁ ଅପେକ୍ଷା କରିଥିଲେ ମଥୁରାବାସୀ।

   Related Posts