ବରଗଡ ୨୭।୧୨ : ବିଷ ପିଇଲେ କକା-ପୁତୁରା । ବରଗଡ଼ ଜିଲ୍ଲା ଭେଡେନ୍‌ ଥାନା ପୋଲିସ ମିଛ ମାମଲାରେ ଫସାଇ ଦେବାରୁ ବିଷ ପିଇଲେ କକା-ପୁତୁରା । ଚିକିତ୍ସାଧୀନ ଅବସ୍ଥାରେ ପୁତୁରା ସଦାନନ୍ଦ ମହାକୁଡ଼ଙ୍କ ମୃତ୍ୟୁ ହୋଇଥିବା ବେଳେ କକା ସୁଦାମ ମହାକୁଡ଼ ଗୁରୁତର ଅଛନ୍ତି ।

ଖବର ଅନୁଯାୟୀ, ମୃତକଙ୍କ ପରିବାର ଭେଡେନ୍‌ ପୋଲିସ ନାଁରେ ଆଣିଛନ୍ତି ସାଙ୍ଘାତିକ ଅଭିଯୋଗ । ପରିବାର ଅନୁସାରେ, କକା-ପୁତୁରାଙ୍କୁ ମିଛ ମାମଲାରେ ଫଶାଇଥିଲା ଭେଡେନ୍‌ ପୋଲିସ । ଯାହାଫଳରେ ଉଭୟ  ମାନସିକ ଭାରସାମ୍ୟ ହରାଇ ବିଷ ପିଇଥିଲେ । ଏହାପରେ ଉଭୟ କକା-ପୁତୁରାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ସଦାନନ୍ଦ ମହାକୁଡ଼ଙ୍କ ମୃତ୍ୟୁ ହୋଇଯାଇଛି । ଆଉ କକା ସୁଦାମ ମହାକୁଡ଼ ଗୁରୁତର ଅଛନ୍ତି । ଲଗାତର ଭାବେ ସୁଦାମଙ୍କ ଚିକିତ୍ସା ଜାରି ରଖିଛନ୍ତି ଡାକ୍ତର ।