ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

Banking Fraud: ଆର୍ଥିକ ବର୍ଷ ୨୨ରେ କମିଛି ବ୍ୟାଙ୍କ ଘୋଟାଲା, ତଥାପି ଲାଗିଛି ୪୧,୦୦୦ କୋଟିର ଚୂନ

3/07/2022 at 7:42 PM

ନୂଆଦିଲ୍ଲୀ: ବ୍ୟାଙ୍କିଂ ସେକ୍ଟରର ଚଳିତ ବର୍ଷ ପୂର୍ବ ବର୍ଷ ତୁଳନାରେ ଭଲ ପ୍ରଦର୍ଶନ କରିଛି । ଚଳିତ ବର୍ଷ ଦେଶରେ ପୂର୍ବ ତୁଳନାରେ ବ୍ୟାଙ୍କ ଘୋଟଲା ମାମଲା ହ୍ରାସ ପାଇଛି । କିନ୍ତୁ ଏବେ ବି ଏହି ରାଶି ହାଜର ହଜାର କୋଟି ଟଙ୍କାରେ ରହିଛି । ଆରବିଆଇ ପକ୍ଷରୁ ଏକ ରିପୋର୍ଟ ଜାରି କରାଯାଇଛି । ଏଥିରେ ଆର୍ଥିକ ବର୍ଷ ୨୨ରେ ହୋଇଥିବା ମୋଟ ବ୍ୟାଙ୍କ ଘୋଟାଲା ବାବଦରେ ସୂଚନା ଦିଆଯାଇଛି । ସରକାରୀ ପରିସଂଖ୍ୟାନ ଅନୁସାରେ, ବ୍ୟାଙ୍କିଂ ସେକ୍ଟରରେ ୧୦୦ କୋଟିରୁ ଅଧିକ ଟଙ୍କାର ଘୋଟାଲା ମାମଲାରେ ଅଖିଦୃଶିଆ ହ୍ରାସ ଘଟିଛି।

ଆର୍ଥିକ ବର୍ଷ ୨୦୨୨ରେ ଘୋଟାଲା ସଂଖ୍ୟା ୧୧୮ ରହିଛି । ଏହାର ଗୋଟିଏ ବର୍ଷ ପୂର୍ବେ ୨୦୨୧ରେ ଏହି ୨୬୫ ଥିଲା। ଏଥିରେ ସରକାରୀ ଏବଂ ଘରୋଇ ବ୍ୟାଙ୍କ ଉଭୟରେ ହୋଇଥିବା ଦୁର୍ନୀତି ସାମିଲ ରହିଛି ।

ଉଲ୍ଲେଖଯୋଗ୍ୟ ଯେ, ଆରବିଆଇ ଏପରି ଘୋଟାଲାର ତଥ୍ୟ ଏକାଠି କରୁଛି, ଯାହାର ମୋଟ ରାଶି ୧୦୦ କୋଟିରୁ ଅଧିକ ଥିବ । ସରକାରୀ ପରିସଂଖ୍ୟାନ ଅନୁସାରେ, ୧୦୦ କୋଟିରୁ ଅଧିକ ଘୋଟାଲାର ଏବେ ୮୦ଟି ମାମଲା ରହିଛି । ଗତ ବର୍ଷ ଏହି ସଂଖ୍ୟା ୧୬୭ ଥିଲା । ଏହା ସରକାରୀ ବ୍ୟାଙ୍କର ତଥ୍ୟ। ଅନ୍ୟପଟେ ଘରୋଇ ବ୍ୟାଙ୍କ ଘୋଟାଲା ମାମଲା କେବଳ ୩୮ ଥିବା ଜଣାପଡିଛି । ପୂର୍ବ ବର୍ଷ ଏହା ୯୮ ଥିଲା।

ଆରବିଆଇରୁ ମିଳିଥିବା ସୂଚନା ଅନୁସାରେ, ଆର୍ଥିକ ବର୍ଷ ୨୦୨୦-୨୧ରେ ବ୍ୟାଙ୍କ ଘୋଟାଲାରେ ମୋଟ ୧.୦୫ ଲକ୍ଷ ଟଙ୍କା ବାଜିରେ ଲାଗିଥିଲା । ଆର୍ଥିକ ବର୍ଷ ୨୦୨୧-୨୨ରେ ଏହି ରାଶ ହ୍ରାସ ହୋଇ ୪୧ ହଜାର କୋଟି ହୋଇଛି । ସରକାରୀ ବ୍ୟାଙ୍କରେ ଏହି ରାଶି ୨୮,୦୦୦ କୋଟି ଟଙ୍କା ଥିବାବେଳେ ଘରୋଇ ବ୍ୟାଙ୍କର ୧୩,୦୦୦ କୋଟି ଟଙ୍କା ରହିଛି । ଏହା ପୂର୍ବରୁ ୨୦୨୦-୨୧ରେ ସରକାରୀ ବ୍ୟାଙ୍କ ସହ ହୋଇଥିବା ଘୋଟାଲା ରାଶି ୬୫,୯୦୦ କୋଟି ଟଙ୍କା ଥିଲା । ସେହିପରି ଘରୋଇ ବ୍ୟାଙ୍କର ୩୯,୦୦୦ କୋଟି ଟଙ୍କା ବାଜିରେ ଲାଗିଥିଲା।

ଆଲୋଚ୍ୟ ଆର୍ଥିକ ବର୍ଷରେ ବ୍ୟାଙ୍କ ଘୋଟାଲାରେ ମାମଲା ହ୍ରାସ ପାଇଛି । ଆରବିଆଇ କଠୋର ହେବା ପରେ ଏହା ହ୍ରାସ ପାଇଥିବା କୁହାଯାଉଛି । ନିକଟରେ କେନ୍ଦ୍ରୀୟ ବ୍ୟାଙ୍କ Early Warning System(EWS) ଫ୍ରେମରେ ସୁଧାର କରିଥିଲା । ଘୋଟାଲା ଉପରେ କଡା ନଜର ରଖିବା ଏବଂ ଏହା ଉପରେ ତତ୍କାଳ କାର୍ଯ୍ୟାନୁଷ୍ଠାନର ପ୍ରଭାବ ଏବେ ଦେଖିବାକୁ ମିଳୁଛି । ଏହାଛଡା ଘୋଟାଲ ଉପରେ ଲଗାମ ଲଗାଇବା ପାଇଁ କେନ୍ଦ୍ରୀୟ ବ୍ୟାଙ୍କ ଏକ ମାର୍କେଟ ଇଣ୍ଟେଲିଜେନ୍ସି ଗଠନ କରିଥିଲେ। ଏହା ବ୍ୟାଙ୍କ ଘୋଟାଲା ଉପରେ ନଜର ରଖିବା ସହ ଡାଟା ଆନାସିଲିସ କରିଥାଏ।   

   Related Posts