scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମାର୍ଚ୍ଚ ମାସରେ ଲଗାତର ୬ଦିନ ବ୍ୟାଙ୍କ ବନ୍ଦ

10/02/2020 at 4:52 PM

ନୂଆଦିଲ୍ଲୀ ୧୦।୦୨: ମାର୍ଚ୍ଚ ମାସ, ଆର୍ଥିକ ବର୍ଷର ଶେଷ ମାସ। ଏଥିପାଇଁ ବ୍ୟାଙ୍କିଂ କ୍ଷେତ୍ର ପାଇଁ ମାର୍ଚ୍ଚ ମାସର ଗୁରୁତ୍ବ ବେଶୀ । କିନ୍ତୁ ଏହି ମାସରେ ଅଧିକ ଦିନ ବ୍ୟାଙ୍କ ବନ୍ଦ ରହିବ । ଦେଶର ବିଭିନ୍ନ ବ୍ୟାଙ୍କ କର୍ମଚାରୀ ସଂଗଠନ ପକ୍ଷରୁ ଆନ୍ଦୋଳନ ଡାକରା ଦିଆଯାଇଛି । ଜାନୁଆରୀ ୩୧ ଓ ଫେବ୍ରୁଆରୀ ୧ରେ ଦୁଇ ଦିନିଆ ଧର୍ମଘଟ ପରେ ରାଷ୍ଟ୍ରାୟତ୍ତ ବ୍ୟାଙ୍କ କର୍ମଚାରୀମାନେ ପୁଣି ଧର୍ମଘଟ ଓହ୍ଲାଇବେ ବୋଲି ଘୋଷଣା କରିଛନ୍ତି । ଏହି ଘୋଷଣା ଅନୁସାରେ ଆସନ୍ତା ମାସରେ ୩ ଦିନିଆ ଧର୍ମଘଟକୁ ଓହ୍ଲାଇବ ବ୍ୟାଙ୍କ କର୍ମଚାରୀ ସଂଘ । ଯଦି ଏହି ଧର୍ମଘଟ ହୁଏ, ତେବେ ମାର୍ଚ୍ଚ ଦ୍ୱିତୀୟ ସପ୍ତାହରେ ଲଗାତର ୬ ଦିନ ବ୍ୟାଙ୍କ ବନ୍ଦ ରହିବ ।

ମାର୍ଚ୍ଚ ମାସରେ ପ୍ରସ୍ତାବିତ ବ୍ୟାଙ୍କ ଧର୍ମଘଟର ପୂର୍ବଦିନ ଅର୍ଥାତ୍‌ ୧୦ ତାରିଖରେ ହୋଲି ଯୋଗୁ ସରକାରୀ ଛୁଟି ପଡ଼ୁଛି । ମାର୍ଚ୍ଚ ୧୧ରୁ ୧୩ ଦିନ ପାଇଁ ଧର୍ମଘଟ ଯୋଗୁ ସବୁ ରାଷ୍ଟ୍ରାୟତ୍ତ ବ୍ୟାଙ୍କ ବନ୍ଦ ରହିବ । ଏହାର ପରବର୍ତ୍ତୀ ୨ ଦିନ ଅର୍ଥାତ୍‌ ୧୪ ଓ ୧୫ ତାରିଖ ଦ୍ୱିତୀୟ ଶନିବାର ଓ ରବିବାର କାରଣରୁ ବ୍ୟାଙ୍କ ଖୋଲିବ ନାହିଁ । ଏହିଭଳି ଭାବେ ମାର୍ଚ୍ଚ ଦ୍ୱିତୀୟ ସପ୍ତାହରେ ଲଗାତର ୬ ଦିନ ବ୍ୟାଙ୍କ ଶାଖା ବନ୍ଦ ରହିବ।

ସର୍ବଭାରତୀୟ ବ୍ୟାଙ୍କ ଅଫିସର ମହାସଂଘ (ଏଆଇବିଓସି) ସଭାପତି ଦାମୋଦର ନନ୍ଦ କହିଛନ୍ତି, ନିକଟରେ ୨ ଦିନିଆ ଧର୍ମଘଟ ସତ୍ତ୍ବେ ବ୍ୟାଙ୍କ କର୍ମଚାରୀଙ୍କ ବେତନ ସଂଶୋଧନ ପାଇଁ ଭାରତୀୟ ବ୍ୟାଙ୍କ ସଂଘ (ଆଇବିଏ) କୌଣସି ପଦକ୍ଷେପ ନେଇନାହିଁ । ଏପରିକି ଏ ନେଇ ପୁନଶ୍ଚ ଆଲୋଚନା ପାଇଁ ଆଇବିଏ ପକ୍ଷରୁ କୌଣସି ଆଗ୍ରହ ଦେଖାଇନାହିଁ । ଏଣୁ ମାର୍ଚ୍ଚ ୧୧ରୁ ୧୩ ଯାଏଁ ପୁଣିଥରେ ଧର୍ମଘଟକୁ ଓହ୍ଲାଇବାକୁ ବ୍ୟାଙ୍କ ସଂଘଗୁଡ଼ିକ ନିଷ୍ପତ୍ତି ନେଇଛନ୍ତି ।

ପ୍ରସ୍ତାବିତ ୩ ଦିନିଆ ବ୍ୟାଙ୍କ ଧର୍ମଘଟରେ ଓଡ଼ିଶାର ୫,୦୯୮ଟି ଯାକ ରାଷ୍ଟ୍ରାୟତ୍ତ ବ୍ୟାଙ୍କ ଶାଖାରେ କାର୍ଯ୍ୟରତ ୪୦,୦୦୦ରୁ ଅଧିକ କର୍ମଚାରୀ ଓ ଅଧିକାରୀ ସାମିଲ ହେବେ । ସାଧାରଣ ଜନତାଙ୍କ ସ୍ୱାର୍ଥକୁ ଦୃଷ୍ଟିରେ ରଖି ରାଜ୍ୟରେ ଥିବା ପ୍ରାୟ ୩,୦୦୦ ଏଟିଏମ୍‌ ଖୋଲା ରହିବ । କିନ୍ତୁ ଧର୍ମଘଟର ପୂର୍ବଦିନ ଓ ପରବର୍ତ୍ତୀ ୨ ଦିନ ବ୍ୟାଙ୍କ ଛୁଟି ଥିବାରୁ ଏଟିଏମ୍‌ରେ ନଗଦ ଟଙ୍କାର ସଙ୍କଟ ଦେଖା ଦେଇପାରେ ବୋଲି ଆଶଙ୍କା କରାଯାଉଛି ।

ଏହି ଧର୍ମଘଟ ସତ୍ତ୍ବେ ଯଦି ଆଇବିଏ କର୍ମଚାରୀଙ୍କ ଦାବି ପୂରଣ ନ କରେ, ଏପ୍ରିଲ ପହିଲାରୁ ବ୍ୟାଙ୍କ ସଂଘଗୁଡ଼ିକ ଅନିର୍ଦ୍ଦିଷ୍ଟ କାଳ ପାଇଁ ଧର୍ମଘଟ କରିବାକୁ ନିଷ୍ପତ୍ତି ନିଆଯିବ ବୋଲି ଏଆଇବିଓସି ସଭାପତି ସୂଚନା ଦେଇଛନ୍ତି ।

   Related Posts