ଉଦଳା ୦୪/୧୧: ନିଜ ଡ୍ୟୁଟି ସାରି ଖାଇସାରି ଶୋଇଥିଲେ । ହେଲେ ହଠାତ ରାତି ଅଧରେ ସେ ଡାଗୱେଲରେ ପଡି ଯାଇଥିଲେ ଆଉ ଚାଲିଗଲା ବନ କର୍ମଚାରୀଙ୍କ ଜୀବନ । ଏଭଳି ଘଟଣା ଘଟିଛି ଶରତ ଥାନା ନୋଟ ଅଞ୍ଚଳରେ ।
ନୋଟ ସେକ୍ସନରେ କାର୍ଯ୍ୟରତ ସବୁଜ ବାହିନୀ କର୍ମଚାରୀ ଅଜୟ ଦାସ ଗତକାଲି ବିଳମ୍ବିତ ରାତିରେ ଡାଗୱେଲରେ ପଡି ଯାଇଥିଲେ । ଅଗ୍ନିଶମ ବିଭାଗ କର୍ମଚାରୀ ତାଙ୍କୁ ଉଦ୍ଧାର କରିଥିଲେ । ଏହା ପରେ ତାଙ୍କୁ ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ଶରତ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ତେବେ ଖାଇ ସାରି ଶୋଇଥିବା ଅଜୟ ଡାଗୱେଲ ନିକଟକୁ ଗଲେ କିପରି, ଏହା ଏକ ଦୁର୍ଘଟଣା ନା କଣ ତାହାର ଖୋଳତାଡ଼ କରୁଛି ପୋଲିସ….