ଆନନ୍ଦପୁର, ୧୧/୦୧: ଆନନ୍ଦପୁର ବନ୍ୟପ୍ରଣୀ ବନଖଣ୍ଡ ଅଧିନରେ କାର୍ଯ୍ୟରତ୍ତ ସ୍କ୍ୱାର୍ଡ କର୍ମଚାରୀଙ୍କ ଧାରଣା । କର୍ମଚାରୀମାନେ ନିଜର ହକ୍ ପାଇଁ ମଙ୍ଗଳବାର ୧୪ଦଫା ଦାବି ନେଇ ଡିଏଫଓଙ୍କ ଜରିଆରେ ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି ।
ବନ ବିଭାଗର ବିଭିନ୍ନ କାର୍ଯ୍ୟରେ ନିୟୋଜିତ ହୋଇ ନିଜ କର୍ତ୍ତବ୍ୟ ସମ୍ପାଦନ କରୁଛନ୍ତି ଏହି ସ୍କ୍ୱାର୍ଡ କର୍ମଚାରୀ । ସେମାନଙ୍କୁ ଅଣକୁଶଳୀ ଶ୍ରମିକ ଭାବେ ଆଜି ଯାଏଁ ମଜୁରି ମିଳୁଛି । କର୍ମଚାରୀଙ୍କୁ ନିୟମିତ କରିବାର କୈଣସି ସୁଯୋଗ ନାହିଁ । ବରଂ ଆବଶ୍ୟକ ହେଲେ ସେମାନଙ୍କୁ ଚାକିରିରୁ ଛଟେଇ ମଧ୍ୟ କରାଯାଉଛି ।
ଏସବୁକୁ ବିରୋଧ କରି ଆଜି କାର୍ଯ୍ୟରତ୍ତ ସ୍କ୍ୱାର୍ଡ କର୍ମଚାରୀ ମାନେ ମିଳିତ ହୋଇ ଡିଏଫଓଙ୍କୁ ଭେଟିଛନ୍ତି । ଏହାସହ ମୁଖ୍ୟମନ୍ତ୍ରୀ ଓ ପିସିସିଏଫଙ୍କ ଉଦ୍ଦେଶ୍ୟରେ ୧୪ ଦଫା ସମ୍ବଳିତ ଏକ ଦାବିପତ୍ର ମଧ୍ୟ ପ୍ରଦାନ କରିଛନ୍ତି । ତୁରନ୍ତ ଏହା ଉପରେ ବିଚାର କରି ପଦକ୍ଷପ ନେବାକୁ ସେମାନେ ଦାବି କରିଛନ୍ତି ।
