ନୂଆଦିଲ୍ଲୀ ୦୪/୦୫: ଦିନକୁ ଦିନ ଜଟିଳ ହେବାରେ ଲାଗିଛି କୁସ୍ତି ସଂଘର ଆନ୍ଦୋଳନ । ଏହି ଅସବରରେ ଜନ୍ତରମନ୍ତରରେ ବୁଧବାର ଦେଖିବାକୁ ମିଳିଥିଲା ଅଭାବନୀୟ ଘଟଣା । ଧାରଣାରତ କୁସ୍ତି ଯୋଦ୍ଧାଙ୍କ ସହ ହାତାହାତି ପରିସ୍ଥିତି ସୃଷ୍ଟି ହୋଇପଡିଥିଲା ।
wp:html/wp:html#WATCH | Delhi: If this is how the wrestlers will be treated, what will we do with the medals? Rather we will live a normal life & return all the medals & awards to the Indian Government: Wrestler Bajrang Punia at Jantar Mantar pic.twitter.com/mvXqqiFVpR
— ANI (@ANI) May 4, 2023
ତେବେ ଏହି ଘଟଣା ପରେ ମୁହଁ ଖୋଲିଛନ୍ତି ଷ୍ଟାର ରେସଲର ବଜରଙ୍ଗ ପୁନିଆ । ସେ କହିଛନ୍ତି ଆମ ସହ ଖରାପ ବ୍ୟବହାର କରାଯାଉଛି । ଯଦି ଆମେ ଦେଶ ପାଇଁ ଗୌରବ ଆଣିବା ପରେ ବି ଆମକୁ ସମ୍ମାନ ମିଳୁନି । ତେବେ ଦରକାର ନାହିଁ ସେ ଲୋକ ଦେଖାଣିଆ ସମ୍ମାନ । ଫେରାଇ ନିଅ ଆମେ ହାସଲ କରିଥିବା ମେଡାଲ୍ । ଏପରି ସମ୍ମାନକୁ ପାଖରେ ରଖି ମୁଁ ଗର୍ବୀତ ହେବାକୁ ଚାହୁଁନି । ଏ ଦେଶରେ ଆଇନ ଶୃଙ୍ଖଳା ଠିକ୍ ଥିବା ପରି ମନେହେଉନି ।
ସୂଚନା ଥାଉକି, ବୁଧବାର ରାତିରେ ପୋଲିସ୍-କୁସ୍ତି ଯୋଦ୍ଧାଙ୍କ ସହ ହାତାହାତି ପରିସ୍ଥିତି ସୃଷ୍ଟି ହୋଇଥିଲା । ଏମିତିକି ପୋଲିସ ସେମାନଙ୍କୁ ବାଡ଼େଇବାକୁ ପଛାଇନଥିଲା ବୋଲି ସେମାନେ ଅଭିଯୋଗ କରିଛନ୍ତି । ସେ କହିଛନ୍ତି, ବର୍ଷା ଯୋଗୁ ଧାରଣାସ୍ଥଳ ଓଦା ହୋଇ ଯାଇଥିବାରୁ ଆପ୍ ବିଧାୟକ ସୋମନାଥ ଭାରତୀ ଆମ ପାଇଁ ଫୋଲ୍ଡିଂ ବେଡ୍ ଆଣି ଦେଇଥିଲେ ।
ଏହାକୁ ଦେଖିବା ପରେ ପୋଲିସ୍ ଆମକୁ ଆଖିବୁଜା ପିଟିଥିବା ବେଳେ ସୋମନାଥ ଭାରତୀଙ୍କୁ ବି ଉଠାଇ ନେଇଛି । ହେଲେ ଯିଏ ପ୍ରକୃତ ଅଭିଯୁକ୍ତ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନି । ସେପଟେ ରେସଲରଙ୍କ ସମସ୍ତ ଅଭିଯୋଗକୁ ଦିଲ୍ଲୀ ପୋଲିସ୍ ଖଣ୍ଡନ କରିଛି ।
