ବିଦ୍ୟୁତ୍‌ କର୍ମଚାରୀଙ୍କ ଉନ୍ମତ୍ତ କାଣ୍ଡ: ଘରେ ପଶି ମହିଳାଙ୍କୁ କଲେ ଦୁର୍ବ୍ୟବହାର, ନେଇଗଲେ ଗହଣା

Published By : Prameya-News7 Bureau | December 08, 2022 IST

ନିଶ୍ଚିନ୍ତକୋଇଲି ୦୮/୧୨: ଟାଟା ପାୱାର୍‌ (ଟାଟା ପାୱାର୍‌ ସାଉଥର୍ନ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍‌) କର୍ମଚାରୀଙ୍କ ଗୁଣ୍ଡାରଜ୍‌। ଘରେ ପଶି ମହିଳଙ୍କୁ ଦୁର୍ବ୍ୟବହାର ସହିତ କଲେ ସୁନା ଗହଣା ଚୋରି। ପ୍ରତିବାଦ କଲେ ମଧ୍ୟ ଶୁଣିଲେନି କଥା। ଓଲଟି ଜାତିଗତ ଆକ୍ଷେପ ଏବଂ ଅଶାଳିନ ଭାଷାରେ ମହିଳାଙ୍କୁ ଗାଳିଗୁଲଜ କଲେ। ଜଣେ ବିଦ୍ୟୁତ ଉପଭୋକ୍ତାଙ୍କ ଘରେ କେହି ନଥିବା ବେଳେ ସେମାନେ ଏପରି ଅପରାଧିକ କାଣ୍ଡ ରଚିଛନ୍ତି। ଏନେଇ ସମ୍ପୃକ୍ତା ମହିଳା ମଧ୍ୟ ସ୍ଥାନୀୟ ନିଶ୍ଚିନ୍ତକୋଇଲି ଥାନାରେ ଏତଲା ଦେଇଛନ୍ତି। ଏପରି ଘଟଣା କଟକ ଜିଲ୍ଲା ନିଶ୍ଚିନ୍ତକୋଇଲି ଅଞ୍ଚଳରେ ଦେଖିବାକୁ ମିଳିଛି।  ବିଦ୍ୟୁତ୍‌ ସଂଯୋଗ କାଟିବା ବାହାନାରେ ଅଭିଯୁକ୍ତମାନେ ଏଭଳି ଅପରାଧ କରିଛନ୍ତି। ଏହି ଉନ୍ମତ୍ତକାଣ୍ଡ ଭିଆଇଥିବା ଅଭିଯୁକ୍ତ କର୍ମଚାରୀଙ୍କ ପରିଚୟ ଦୀପକ ସାହୁ ବୋଲି ଜଣାପଡ଼ିଛି।    

ଖବର ଅନୁସାରେ ନିଶ୍ଚିନ୍ତକୋଇଲି ଗାଁର ସୁବାଷ ସେଠୀଙ୍କ ଘରେ ଗତକାଲି କେହି ନଥିବା ସୁଯୋଗ ନେଇ ଟାଟା ପାୱାର୍‌ କମ୍ପାନୀର କିଛି କର୍ମଚାରୀ ଘରର କବାଟ ଖୋଲି ଘରେ ଥିବା ଗୋଟିଏ ସୁନା ମଙ୍ଗଳସୂତ୍ର ଓ ଦୁଇଟି ସୁନା ପଦକକୁ ନେଇଯାଇଛନ୍ତି । କେବଳ ସେତିକି ନୁହେଁ ସୁବାଷଙ୍କ ସ୍ତ୍ରୀଙ୍କୁ ମଧ୍ୟ ସେଠାରେ ବହୁତ ଖରାପ ବ୍ୟବହାର କରିଛନ୍ତି। ଜାତିଗତ ଆକ୍ଷେପ କରି ଅଶାଳିନ ଭାଷାରେ ଗାଳିଗୁଲଜ କରିଥିବା ମଧ୍ୟ  ସ୍ତ୍ରୀ ଲତା  କହିଛନ୍ତି। ଏନେଇ ସେ ନିଶ୍ଚିନ୍ତକୋଇଲି ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୁକ୍ତମାନେ ଏଭଳି ଉନ୍ମତ୍ତ କାଣ୍ଡ କଲାବେଳେ ପଡ଼ୋଶି ଓ ଲତାଙ୍କ ଜାଆ ପ୍ରତିବାଦ କରିଥିଲେ। ଏହା ସତ୍ତ୍ୱେବି ସେମାନେ ଖାତିର ନକରି ଚୋରି କରିଥିଲେ। ଏନେଇ ନିଶ୍ଚିନ୍ତକୋଇଲି ଏସଡିଓ ଏଭଳି ଘଟଣା ତାଙ୍କ କର୍ମଚାରୀ କରି ଥାଇ ନପାରନ୍ତି। ତଥାପି ତଦନ୍ତ ପରେ କିଏ ସତ ଆଉ କିଏ ମିଛ ସ୍ପଷ୍ଟ ହେବ।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.