AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଲବାଣୀ: ଗୋଛାପଡା ପୋଲିସକୁ ସଫଳତା, କ୍ୱିଣ୍ଟାଲରୁ ଅଧିକ ଗଂଜେଇ ଜବତ
  • ||
  • ଭୁବନେଶ୍ୱର: ରାଜଧାନୀରେ କଙ୍ଗାରୁକୋର୍ଟ, ଯୁବତୀଙ୍କୁ ଖୁଣ୍ଟରେ ବାନ୍ଧି ମାଡ଼
  • ||
  • ପ୍ରକାଶ ପାଇଲା ଜେଇଇ (ମେନ୍‌) ସେସନ-୧ ରେଜଲ୍ଟ, ଓ୍ୱେବସାଇଟ୍‌ରେ ଦେଖିପାରିବେ ଛାତ୍ରଛାତ୍ରୀ
  • ||
  • ଫେବୃୟାରୀରେ ଅଧିକ ରହିବ ତାପମାତ୍ରା, ଜଳବାୟୁ ଶୁଷ୍କ ଥିବାରୁ ଜଙ୍ଗଲରେ ଲାଗୁଛି ନିଆଁ
  • ||

୨୭ ବର୍ଷ ପୁରୁଣା ଭ୍ରୁଣରୁ ଜନ୍ମ ନେଲା ଶିଶୁ, ସୃଷ୍ଟି ହେଲା ବିରଳ ରେକର୍ଡ

4/12/2020 at 9:34 AM

ଓ୍ବାଶିଂଟନ୍ ୪।୧୨: ଆମେରିକାରେ ଏମିତି ଏକ ଘଟଣା ସାମ୍ନାକୁ ଆସିଛି ଯେଉଁଠାରେ ଏକ ଶିଶୁର ଜନ୍ମ ୨୭ ବର୍ଷ ପୁରୁଣା ଭ୍ରୁଣରୁ ହୋଇଛି । ଏହା ଏକ ରେକର୍ଡ ସୃଷ୍ଟି କରିଛି । ୨୭ ବର୍ଷ ପୂର୍ବରୁ ଫ୍ରିଜ୍ କରାଯାଇଥିବା ଭ୍ରୁଣରୁ ଶିଶୁ ଜନ୍ମ ହୋଇଛି ।

ସିଏନଏନର ଏକ ରିପୋର୍ଟ ଅନୁସାରେ ଆମେରିକାର ଟେନେସି ସହରରେ ଏହା ଘଟିଛି । ୧୯୯୨ରେ ଜଣେ ମହିଳାଙ୍କ ଦ୍ବାରା ଫ୍ରିଜ୍ କରାଯାଇଥିବା ଭ୍ରୁଣକୁ ଟିନା ନାମକ ମହିଳାଙ୍କ ଠାରେ ୨୦୨୦ ଫେବୃଆରୀ ୧୨ ତାରିଖରେ ଟ୍ରାନ୍ସପ୍ଲାଣ୍ଟ କରାଯାଇଥିଲା । ଏହା ବର୍ତ୍ତମାନ ପର୍ଯ୍ୟନ୍ତ ସବୁଠୁ ଅଧିକ ସମୟ ଧରି ଫ୍ରିଜ୍ କରାଯାଇଥିବା ଭ୍ରୁଣ । ଯେଉଁଥିରୁ କୌଣସି ଶିଶୁର ଜନ୍ମ ନେଇଛି । ଟିନା ଅକ୍ଟୋବର ୨୬ରେ ମଲି ନାମକ ଶିଶୁକୁ ଜନ୍ମ ଦେଇଛନ୍ତି ।

ରିପୋର୍ଟ ଅନୁସାରେ ୨୦୧୭ରେ ଏହି ଉପାୟରେ ଟିନାର ପ୍ରଥମ ଝିଅ ଏମା ମଧ୍ୟ ଜନ୍ମ ହୋଇଥିଲେ । ଏମାଙ୍କ ଭ୍ରୁଣ ୨୪ ବର୍ଷ ପୁରୁଣା ଥିଲା । ଟିନା କହିଛନ୍ତି ଯେ, ତାଙ୍କ ସ୍ବାମୀ ସିଷ୍ଟିକ ଫାୟୋବ୍ରୋସିସ୍ ରେ ପୀଡିତ ଅଛନ୍ତି । ଏହି ରୋଗ ସନ୍ତାନ ପ୍ରସବ କରିବାରେ ବାଧା ସୃଷ୍ଟି କରେ । ଏଥିପାଇଁ ଆମେ ଦ୍ବିତୀୟ ଥର ଏମ୍ବ୍ରାୟୋ ଫ୍ରିଜିଂ ମାଧ୍ୟମରେ ଶିଶୁକୁ ଜନ୍ମ ଦେବାର ନଷ୍ପତ୍ତି ନେଇଥିଲେ ।

ଟିନା ଏହାମଧ୍ୟ କହିଛନ୍ତି ଯେ, ‘ଏହି ଉପାୟର ସୂଚନା ମୋତେ ମୋ ବାପାଙ୍କଠାରୁ ମିଳିଥିଲା । ତାଙ୍କୁ ଏକ ମାଗାଜିନ୍ ରୁ ଏମ୍ବ୍ରୋୟୋ ଫ୍ରିଜିଂ ଉପାୟ ସମ୍ବନ୍ଧରେ ସୂଚନା ମିଳିଥିଲା । ମୁଁ ଏହି ଉପାୟ ସମ୍ବନ୍ଧରେ ସୂଚନା ସଂଗ୍ରହ କରିଥିଲି ଏବଂ ନ୍ୟାସନାଲ ଏମ୍ବ୍ରିୟୋ ଡୋନେସନ ସେଣ୍ଟର ପହଞ୍ଚିଥିଲେ । ଏହିଠାରୁ ଆଗାମୀ ପ୍ରକ୍ରିୟା ଆରମ୍ଭ ହୋଇଥିଲା ।’

ସୂଚନାଯୋଗ୍ୟ ଯେ, ଯେତେବେଳେ ଜଣେ ମହିଳା ଗର୍ଭଧାରଣ କରିଥାଏ ସେବେଠାରୁ ଭ୍ରୁଣ ବିକସିକ ହୋଇଥାଏ । ଅନେକ ଦମ୍ପତ୍ତି ଏହି ଭ୍ରୁଣକୁ ଫ୍ରିଜ୍ କରିଥାନ୍ତି । କାରଣ ଭବିଷ୍ୟତରେ ଯେତେବେଳେ ମା’ ହେବାକୁ ପଡିବ ସେତେବେଳେ ଏହାର ପ୍ରୟୋଗ କରାଯାଇପାରିବ । ଏହା ବ୍ୟତୀତ କିଛି ଦମ୍ପତ୍ତି ଏହାକୁ ଦାନ କରିଥାନ୍ତି ।

   Related Posts