ନିଆଳି ୩/୮: ୫ ହଜାର ଟଙ୍କାରେ ବିକ୍ରି ହୋଇଥିବା ଶିଶୁ ପୁତ୍ର ଉଦ୍ଧାର । ୪ ଦିନ ପରେ ବାଲିପାଟଣା ଥାନା ଦେଉଳିଧର ପୁରରୁ ଉଦ୍ଧାର କରିଛି ନିଆଳି ପୋଲିସ । ସ୍ଥାନୀୟ ମଉକା ସାହିର ଅନୁଭୋଇ ପିଲାଟିକୁ ଅମୂଲ୍ୟ ବେହେରାଙ୍କ ପାଖେ ଛାଡି ଫେରାର ହୋଇଯାଇଥିବା କହିଛନ୍ତି ସ୍ଥାନୀୟ ଲୋକେ । ପିଲାଟିକୁ ଉଦ୍ଧାର ପରେ CWC କଟକକୁ ହସ୍ତାନ୍ତର କରାଯିବ ବୋଲି ସୂଚନା ଦେଇଛି ପୋଲିସ । ପିଲା ବିକ୍ରିରେ ସାମିଲ ଥିବା ମଧ୍ୟସ୍ଥି ଫେରାର ଥିବାବେଳେ ବାପାକୁ ଅଟକ ରଖିଛି ପୋଲିସ । 

୪ ଦିନ ତଳେ ନିଆଳି ମୁଣ୍ଡା ସାହିର ସୁକାନ୍ତ ସିଂ ଅଢେଇ ବର୍ଷର ପୁଅକୁ ୫ ହଜାର ଟଙ୍କାରେ ବିକ୍ରି କରିଦେଇଥିଲା । ଏଥିରେ ୩ ଜଣ ଦଲାଲ ମଧ୍ୟସ୍ଥି ସାଜିଥିଲେ । ଘଟଣା ଜଣାପଡିବା ପରେ କଟକ CWC ଅଧ୍ୟକ୍ଷ ଓ ନିଆଳି ପୋଲିସ ବିଭିନ୍ନ ସ୍ଥାନରେ ଚଢାଉ କରିଥିଲେ । ସ୍ଥାନୀୟ ଅଞ୍ଚଳରେ ପିଲା ବିକ୍ରି ରାକେଟ୍‌ ସକ୍ରିୟ ଥିବା ସନ୍ଦେହ କରାଯାଉଛି । ପୋଲିସ ବିଭିନ୍ନ ଦିଗକୁ ନେଇ ତଦନ୍ତ ଚଳାଇଛି ।