ଗଜପତି, ୧୨/୧୧: ବଂଶଧାରା ନଦୀରେ ବୁଡି ଜଣେ ଛାତ୍ର ନିଖୋଜ ହୋଇଯାଇଥିବା ଜଣାପଡ଼ିଛି । ଶୌଚ ପାଇଁ ଯାଇଥିବା ବେଳେ ପାଦଖସି ନଦୀରେ ପଡ଼ି ଯାଇଥିବା କୁହାଯାଉଛି । ନିଖୋଜ ଛାତ୍ର ଜଣକ କାଶୀନଗର ୧୦ ନମ୍ବର ଓ୍ବାର୍ଡର ବି ଭାସ୍କରଙ୍କ ପୁଅ ଆକାଶ ବୋଲି ସୂଚନା ମିଳିଛି । ପ୍ରଥମେ ସ୍ଥାନୀୟ ବାସିନ୍ଦା ଓ କେନ୍ଦ୍ରୀୟ ଜଳ ଆୟୋଗର କର୍ମଚାରୀମାନେ ଆକାଶଙ୍କୁ ଖୋଜାଖୋଜି କରିଥିଲେ । ପରେ ଖବର ପାଇ ଦମକଳ ବାହିନୀ ଓ ପୋଲିସ ପହଞ୍ଚି ଖୋଜାଖୋଜି ଜାରି ରଖିଛନ୍ତି । ଆକାଶ ସେଞ୍ଚୁରୀଆନ ୟୁନଭରସିଟିର ବିଟେକ ପ୍ରଥମ ବର୍ଷର ଛାତ୍ର ଥିଲେ । ବର୍ତ୍ତମାନ ସୁଦ୍ଧା ତାଙ୍କୁ ଉଦ୍ଧାର କରାଯାଇ ପାରିନାହିଁ ।