ନୂଆଦିଲ୍ଲୀ ୨୩।୧୦: କିଛି ଦିନ ତଳେ ଅନନ୍ୟା ପାଣ୍ଡେ ଓ ଆୟୁଷ୍ମାନ ଖୁରାନା ଷ୍ଟାରର୍ ‘ଡ୍ରିମ୍ ଗର୍ଲ-୨’ର ରିଲିଜ୍ ତାରିଖ ଘୋଷଣା ହୋଇଥିଲା । ଆସନ୍ତା ବର୍ଷ ଜୁନ୍ ୨୯ ତାରିଖରେ ଫିଲ୍ମ ରିଲିଜ୍ ହୋଇଥାନ୍ତା । ଏବେ ରିଲିଜ୍ ତାରିଖକୁ ପଛକୁ ଘୁଞ୍ଚାଇ ଦିଆଯାଇଛି । ଆସନ୍ତା ବର୍ଷ ଜୁନ୍ ୨୩ ତାରିଖରେ ଏହା ସିନେମାଘରକୁ ଆସିବ ।
ରିପୋର୍ଟ ଅନୁସାରେ, କାର୍ତ୍ତିକ ଆର୍ଯ୍ୟନ ଓ କିଆରା ଆଡ଼ଭାନିଙ୍କ ଫିଲ୍ମ ‘ସତ୍ୟ ପ୍ରେମ କି କଥା’ ଯୋଗୁ ନିର୍ମାତା ଏହି ନିଷ୍ପତ୍ତି ନେଇଛନ୍ତି । ଆସନ୍ତା ଜୁନ୍ ୨୯ ତାରିଖରେ ଫିଲ୍ମଟି ମୁକ୍ତିଲାଭର ଯୋଜନା ଅଛି । ଯଦି ଏମିତି ହୁଏ, ବକ୍ସ ଅଫିସ୍ ଉପରେ ଏହାର ପ୍ରଭାବ ପଡ଼ିବ । ଫିଲ୍ମ କଲେକ୍ସନ୍ ଉପରେ ମଧ୍ୟ । ଏହାକୁ ଦୃଷ୍ଟିରେ ରଖି ‘ଡ୍ରିମ୍ ଗର୍ଲ-୨’ ସପ୍ତାହେ ଆଗରୁ ରିଲିଜ୍ କରିବାକୁ ମେକର୍ ନିଷ୍ପତ୍ତି ନେଇଛନ୍ତି ।
ମୂଳ ଫିଲ୍ମ ‘ଡ୍ରିମ୍ ଗର୍ଲ’ରେ ଆୟୁଷ୍ମାନଙ୍କ ଅପୋଜିଟ୍ରେ ଥିଲେ ନୁସ୍ରତ ଭରୁଚା । ସିକ୍ୱେଲ୍ରେ ଅନନ୍ୟାଙ୍କୁ କାଷ୍ଟ୍ କରାଯାଇଛି । ଉଭୟଙ୍କ ସମେତ ଅନୁ କପୁର, ପରେଶ ରାୱଲ, ଅଭିଷେକ ବାନାର୍ଜୀ, ସୀମା ପହୱା ଓ ମନଜୋତ ସିଂହଙ୍କ ଭଳି କଳାକାର ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
