ନୂଆଦିଲ୍ଲୀ ୩୦/୦୬: ଝିଅମାନେ ପ୍ରାୟତଃ ମୁହଁରେ ପିମ୍ପଲ୍ ହେବାକୁ ନେଇ ଚିନ୍ତାରେ ରହିଥାନ୍ତି । ଏହା ପଛର କାରଣ ହେଉଛି ଭୁଲ ଜୀବନଶ ଶୈଳୀ, ପ୍ରଦୂଷଣ ବୃଦ୍ଧି ଏବଂ ଚର୍ମର ଉପଯୁକ୍ତ ଯତ୍ନ ନ ନେବା । ଏହା ସହିତ ଅଧିକ ମସଲାଯୁକ୍ତ ଏବଂ ତେଲିଆ ଖାଦ୍ୟ ଖାଇବା ଦ୍ୱାରା ପେଟ ସଫା ହୋଇନଥାଏ । ଏହି କାରଣରୁ, ମୁହଁରେ ପିମ୍ପଲ୍ ଦେଖାଯିବା ଆରମ୍ଭ ହୋଇଥାଏ । ଏଥିରୁ ମୁକ୍ତି ପାଇବା ପାଇଁ ବଜାରରେ ଅନେକ ପ୍ରଡକ୍ଟ ଉପଲବ୍ଧ । କିନ୍ତୁ ଆପଣ କିଛି ଆୟୁର୍ବେଦିକ ଜିନିଷ ଗ୍ରହଣ କରି ଏଥିରୁ ମୁକ୍ତି ପାଇପାରିବେ । ଆସନ୍ତୁ ଜାଣିବା ଏହା ବିଷୟରେ ...

{"width":690,"height":453}

ଗ୍ରୀନ୍ ଟି:

ସ୍ୱାସ୍ଥ୍ୟ ବଜାୟ ରଖିବା ସହିତ ଗ୍ରୀନ୍ ଟି ଚର୍ମ ସମ୍ବନ୍ଧୀୟ ସମସ୍ୟାକୁ ଦୁର କରିବାରେ ସହାୟକ ହୋଇଥାଏ । ଏଥିରେ ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ଭାଇରାଲ୍, ଆଣ୍ଟି-ଇନ୍‌ଫ୍ଲାମେଟୋରୀ ଇତ୍ୟାଦି ଗୁଣ ରହିଥାଏ । ଏହାର ବ୍ୟବହାର ପିମ୍ପଲ୍, ଦାଗ, ଫୁଲା ଏବଂ ଚେହେରାରେ ଲାଲ ରଙ୍ଗ ଦୂର କରିବାରେ ସାହାଯ୍ୟ କରିଥାଏ  । ଆପଣ ଗ୍ରୀନ୍ ଟିକୁ ଏକ ଫେସ୍ ପ୍ୟାକରେ ମିଶାଇ ୧୦ ମିନିଟ୍ ପାଇଁ ମୁହଁରେ ଲଗାଇ ପାରିବେ । ଏହା ବ୍ୟତୀତ ବ୍ୟବହୃତ ଗ୍ରୀନ୍ ଟି ବ୍ୟାଗ୍ ପକାଇବା ପରିବର୍ତ୍ତେ ଏହାକୁ ଫ୍ରିଜରେ ରଖନ୍ତୁ ଏବଂ ଥଣ୍ଡା କରନ୍ତୁ । ପରେ ଏହାକୁ ପିମ୍ପଲ୍ ସ୍ଥାନରେ କିଛି ମିନିଟ୍ ଲଗାଇ ରଖନ୍ତୁ । କିଛି ସମୟ ଏହା କରିବା ଦ୍ୱାରା ପିମ୍ପଲ୍ କମିଯାଇଥାଏ ଏବଂ ଚର୍ମରେ ଥଣ୍ଡା ଅନୁଭବ ହୋଇଥାଏ ।

{"width":690,"height":386}

ମହୁ:

ମହୁ ଆଣ୍ଟି-ଭାଇରାଲ୍, ଆଣ୍ଟି-ବ୍ୟାକ୍ଟେରିଆଲ୍ ଗୁଣରେ ଭରପୂର । ଏହା ପିମ୍ପୁଡ଼ି ସମସ୍ୟାରୁ ମୁକ୍ତି ଦେବା ସହିତ ଚେହେରାରେ ପ୍ରାକୃତିକ ଚମକ ଆଣିଥାଏ । ଏଥିପାଇଁ ସର୍ବୋତ୍ତମ ବିକଳ୍ପ ହେଉଛି ଏହାକୁ ଦୈନନ୍ଦିନ ଖାଦ୍ୟରେ ଅନ୍ତର୍ଭୁକ୍ତ କରିବା । ଏହା ବ୍ୟତୀତ ଆପଣ ସମାନ ପରିମାଣର ମହୁ ଏବଂ ଲେମ୍ବୁ ରସ ମିଶାଇ ଏହାକୁ ୧୦ ମିନିଟ୍ ପାଇଁ ମୁହଁରେ ଲଗାନ୍ତୁ । ଏହା ବ୍ୟତୀତ ଆପଣ ଯେକ କୌଣସି ଫେସ୍ ପ୍ୟାକରେ ମହୁ ବ୍ୟବହାର କରିପାରିବେ ।

ଏଲୋଭେରା ଜେଲ୍:

ଏଲୋଭେରାରେ ଆୟୁର୍ବେଦିକ ଗୁଣ ରହିଥାଏ । ଏଥିରେ ଆପଣ ପିମ୍ପଲ୍ ଏବଂ ଏହା ସହିତ ଚର୍ମ ସମ୍ବନ୍ଧୀୟ ଅନ୍ୟାନ୍ୟ ସମସ୍ୟାରୁ ମୁକ୍ତି ପାଇପାରିବେ । ଏଥିପାଇଁ ପ୍ରତିଦିନ ଏଲୋଭେରା ଜୁସ୍ ପିଇବା ଲାଭଦାୟକ ହେବ । ଏହା ବ୍ୟତୀତ ଏଲୋଭେରା ଜେଲ୍ ସହିତ ହାଲୁକା ହାତରେ ମୁହଁକୁ ମାଲିସ୍ କରନ୍ତୁ ଏବଂ ଏହାକୁ ୧୦ ମିନିଟ୍ ପାଇଁ ଲଗାନ୍ତୁ । ପରେ ମୁହଁକୁ ଧୋଇ ଦିଅନ୍ତୁ ।