ନୂଆଦିଲ୍ଲୀ ୦୯।୧୧ – ଅଯୋଧ୍ୟା ମାମଲାରେ ସୁପ୍ରିମକୋର୍ଟଙ୍କ ଐତିହାସିକ ରାୟ ଆସିବା ପରେ ଏହାକୁ ନେଇ ବିଭିନ୍ନ ଦଳ ପକ୍ଷରୁ ଭିନ୍ନ ଭିନ୍ନ ପ୍ରତିକ୍ରିୟା ଆସିଛି । କେତେକ ପକ୍ଷରୁ କୋର୍ଟଙ୍କ ରାୟକୁ ସ୍ବାଗତ କରାଯାଇଛି । ଅନ୍ୟ କେତେକ ପକ୍ଷରୁ ସର୍ବୋଚ୍ଚ କୋର୍ଟଙ୍କ ରାୟକୁ ସମ୍ମାନ ଜଣାଯିବା ସହିତ ଶାନ୍ତି ଓ ସୌହାର୍ଦ୍ଦ୍ୟ ବଜାୟ ରଖିବା ପାଇଁ କୁହାଯାଇଛି । କିଛି ସ୍ଥାନରେ ଆପତ୍ତି ମଧ୍ୟ ରହିଯାଇଛି। ଆସନ୍ତୁ ଦେଖିବା କାହର କେମିତି ରହିଛି ପ୍ରତିକ୍ରିୟାଷ। …
ଅଯୋଧ୍ୟା ମାମଲାରେ ସୁପ୍ରିମକୋର୍ଟଙ୍କ ରାୟ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିକ୍ରିୟାରେ କହିଛନ୍ତି ଯେ ଦେଶର ସର୍ବୋଚ୍ଚ ଅଦାଲତ ଅଯୋଧ୍ୟା ସଂପର୍କରେ ନିଜର ରାୟ ଶୁଣାଇଛନ୍ତି । ଏହି ଫଇସଲାକୁ କାହାର ହାର୍ ବା କାହାର ଜିତ୍ ଭାବେ ଦେଖାଯିବା କଥା ନୁହେଁ । ରାମଭକ୍ତି ହେଉ ଅବା ରହିମ ଭକ୍ତି ଏ ସମୟ ସମସ୍ତଙ୍କୁ ଭାରତଭକ୍ତିର ଭାବନା ଶସକ୍ତ କରିବାକୁ ହେବ । ଆଜି ସଂଧ୍ୟା ୬ଟାରେ ଦେଶକୁ ସମ୍ବୋଧନ କରିଥିଲେ ପ୍ରଧାନମନ୍ତ୍ରୀ ମୋଦି।
{"id":181691}
ରାମ ମନ୍ଦିର ବାବ୍ରି ମସଜିଦ କଥା ଆସିଲେ ସବୁବେଳେ ଲାଲକୃଷ୍ଣ ଆଡଭାନି, ମୁରଲୀ ମନୋହର ଯୋଶୀ ଓ ଉମାଭାରତୀଙ୍କ ନାଁ ଆସିଥାଏ। ଏବେବି ମାମଲାରେ ଛନ୍ଦି ହୋଇଛନ୍ତି ଏହି ତିନି ନେତା। ତେବେ ରାୟ ଆସିବା ପରେ ଉମାଭାରତୀ ତୁରନ୍ତ ଆଡଭାନିଙ୍କୁ ଭେଟିବାକୁ ଯାଇଥିଲେ । ଏବଂ ରାମମନ୍ଦିରର ଶ୍ରେୟ ଆଡଭାନିଙ୍କୁ ଦେଇଛନ୍ତି।
{"id":181692}
ଅନ୍ୟପକ୍ଷରେ ମାମଲାର ରାୟ ଆସିବା ପରେ, ଅଲଇଣ୍ଡିଆ ପର୍ସନାଲ ଲ ବୋର୍ଡ ଏହାକୁ ନେଇ ସାମ୍ବାଦିକ ସମ୍ମିଳନୀ କରି ଅସନ୍ତୋଷ ପ୍ରକାଶ କରିଛି। ଶହେ ଏକର ଜମି ବି ଆମର ଭାବନାକୁ ଜିତି ପାରିବନି ବୋଲି ପର୍ସନାଲ ଲବୋର୍ଡ କହିଛି। ସେପଟେ AIMIM ନେତା ଅସାଦୁଦ୍ଦିନ ଓୱେସୀ କହିଛନ୍ତି ୫ ଏକର ଜମି ସେମାନଙ୍କୁ ଦରକାର ନାହିଁ ବୋଲି କହିଛନ୍ତି । ଆମ ଉପରେ ଦୟା କରାଯିବା ଦରକାର ନାହିଁ ।
{"id":181693}
କଂଗ୍ରେସ ରାୟକୁ ସ୍ବାଗତ କରିଛି । ଯୋଗଗୁରୁ ବାବା ରାମଦେବ କହିଛନ୍ତି ଯେ ହିନ୍ଦୁ ମାନେ ମସଜିଦ୍ ନିର୍ମାଣରେ ଏବଂ ମୁସଲମାନ ମାନେ ମନ୍ଦିର ନିର୍ମାଣରେ ସାହାଯ୍ୟ କରିବା ଆବଶ୍ୟକ । ଆଧ୍ୟାତ୍ମିକ ଗୁରୁ ଶ୍ରୀଶ୍ରୀ ରବିଶଙ୍କର ମଧ୍ୟ ରାୟର ସ୍ବାଗତ କରିଛନ୍ତି । ଆରଏସ୍ଏସ୍ ମୁଖ୍ୟ ମୋହନ ଭାଗୱତ କହିଛନ୍ତି ଯେ ସଂଘ ବିବାଦର ଅନ୍ତ ଚାହୁଁଥିଲା ଆଉ ଆଜି ଏହା ହୋଇଯାଇଛି ।
{"id":181694}
ଅଯୋଧ୍ୟା ରାୟ ଆସିବା ପରେ ବିଭିନ୍ନ ପକ୍ଷ ଭିନ୍ନ ଭିନ୍ନ ମତ ରଖୁଛନ୍ତି ।ତେବେ ସମସ୍ତଙ୍କୁ ସଂଯମତା ରକ୍ଷା କରିବାକୁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ସବୁ ରାଜ୍ୟକୁ ଆଡଭାଇଜରୀ ଜାରି କରାଯାଇଛି ।…
