ମୁମ୍ବାଇ ୨୬।୦୯ : ଫିଟ୍‌ ହେଉଛନ୍ତି ଅଲ୍‌ରାଉଣ୍ଡର ଅକ୍ଷର ପଟେଲ । ବିଶ୍ୱକପ୍‌ ପୂର୍ବରୁ ଯୁବ ଅଲ୍‌ରାଉଣ୍ଡର ଅକ୍ଷର ପଟେଲ ଫିଟ୍‌ ହେବା ନେଇ ସୂଚନା ମିଳୁଛି । ଏପିରିକି ବିଶ୍ୱକପ୍‌ ପୂର୍ବରୁ ଅଭ୍ୟାସ ମ୍ୟାଚ୍‌ ଖେଳିବେ ବୋଲି ସୂଚନା ରହିଛି । ୨୦୨୩ ଦିନିକିଆ ବିଶ୍ୱକପ୍‌ରେ ଅଲ୍‌ରାଉଣ୍ଡର ଚୟନ ହୋଇଥିଲା ଅକ୍ଷର ପଟେଲ । ଭାରତ ୩୦ ତାରିଖରେ ପ୍ରଥମ ଅଭ୍ୟାସ  ମ୍ୟାଚ୍‌ ଖେଳିବ ଓ ଡିଫେଣ୍ଡିଂ ଚାମ୍ପିଅନ୍‌  ଇଂଲଣ୍ଡକୁ ସାମ୍ନା କରିବ ।  ଅକ୍ଷର ଏହି  ମ୍ୟାଚ୍‌ ଖେଳିପାରିବେ ବୋଲି ଆଶା  କରାଯାଉଛି । 

ସୂଚନାଯୋଗ୍ୟ ଯେ, ଗତ  ଏସିଆ କପ୍‌ ସମୟରେ ବାଂଲାଦେଶ ବିପକ୍ଷ ମ୍ୟାଚ୍‌ରେ ଅକ୍ଷର ପଟେଲ ଆହତ  ହୋଇଥିଲେ । ବାଂଲାଦେଶ ବିପକ୍ଷ  ମ୍ୟାଚ୍‌ରେ ବ୍ୟାଟିଂ କରୁଥିବା ବେଳେ ତାଙ୍କ  ବାମ ଜଙ୍ଘ ମାଂସପେଶୀରେ ଆଘାତ ଲାଗିଥିଲା । ବର୍ତ୍ତମାନ ସେ ଜାତୀୟ  କ୍ରିକେଟ୍‌ ଏକାଡେମୀ (ଏନ୍‌ସିଏ)ରେ ଚିକିତ୍ସିତ ହେଉଛନ୍ତି ।

ତେବେ ଅକ୍ଷରଙ୍କ  ଅନୁପସ୍ଥିତିରେ ରବି ଚନ୍ଦ୍ରନ ଅଶ୍ୱିନଙ୍କୁ ଖେଳିବାକୁ ସୁଯୋଗ ମିଳିଥିଲା ।  ଅଷ୍ଟ୍ରେଲିଆ ବିପକ୍ଷ ସିରିଜ ପାଇଁ ଚୟନ ହୋଇଥିଲେ ରବିଚନ୍ଦ୍ରନ ଅଶ୍ୱିନୀ । ଦୀର୍ଘ ୧୮ମାସ  ପରେ ଦିନିକିଆ କ୍ରିକେଟ୍‌ ଖେଳୁଥିବା  ଅଶ୍ୱିନ ପ୍ରଥମ ୨ଟି ଯାକ ଦିନିକିଆରେ  ଯାଦୁକରୀ ସ୍ପିନ ବୋଲିଂ କରି ବିଶ୍ୱକପ୍‌  ପାଇଁ ଦାବିଦାର ରୂପେ ଉଭା ହୋଇଛନ୍ତି ।  ତୃତୀୟ ଦିନିକିଆରେ ମଧ୍ୟ ସେ ଖେଳିବା ସମ୍ଭାବନା ରହିଛି । ଫଳରେ ଚୟନ କମିଟିର ଚିନ୍ତା ବଢ଼ିଯାଇଛି ।