ରାଞ୍ଚି ୨୨/୦୫: ଝାଡଖଣ୍ଡ ରାଜଧାନୀ ରାଞ୍ଚିରେ ବାର୍ଡ ଫ୍ଲୁ ଆତଙ୍କ । ପୁଣି ଥରେ ସାମ୍ନାକୁ ଆସିଛି ଭୟଙ୍କର ରୋଗ । ଏଠାରେ ୯୨୦ କୁକୁଡ଼ା ଏବଂ ବତକଙ୍କୁ ହତ୍ୟା କରାଯାଇଛି । ଏହା ସହିତ ୪୩୦୦ ଅଣ୍ଡା ନଷ୍ଟ ହୋଇଯାଇଛି । ଘଟଣା ଜଣାପଡିବା ପରେ ଆଲର୍ଟ ମୋଡକୁ ଆସିଛନ୍ତି ସରକାର ।
ଭୂତାଣୁ ନିଶ୍ଚିତ ହେବା ପରେ ବୁଧବାର ରାଜ୍ୟ ସରକାର ଜାରି କରିଚନ୍ତି ସତର୍କ ସୂଚନା । ଏହା ସହିତ ରାଞ୍ଚିର ଏକ କୁକୁଡ଼ା ଫାର୍ମରେ ଅନେକ ସଂଖ୍ୟାରେ ପକ୍ଷୀଙ୍କୁ ହତ୍ୟା କରାଯାଇଛି । ସୂଚନା ଅନୁଯାୟୀ, ଜଣେ ଅଧିକାରୀ କହିଛନ୍ତି ଯେ ମୋର୍ହବାଡିରେ ରାମ କୃଷ୍ଣ ଆଶ୍ରମଙ୍କ ଦ୍ୱାରା ପରିଚାଳିତ କୁକୁଡ଼ା ଫାର୍ମ-ଦିବ୍ୟୟାନ୍ କୃଷ୍ଣ ଭିଗାନ୍ କେନ୍ଦ୍ରରେ ୭୭୦ ବତକଙ୍କ ସମେତ ୯୨୦ ପକ୍ଷୀଙ୍କର ମୃତ୍ୟୁ ହୋଇଛି । ଏହା ସହିତ ସମୁଦାୟ ୪୩୦୦ ଅଣ୍ଡା ମଧ୍ୟ ନଷ୍ଟ ହୋଇଯାଇଛି ।
ପରୀକ୍ଷା ପାଇଁ ଭୋପାଳର ICAR- ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ହାଇ ସିକ୍ୟୁରିଟି ପଶୁ ରୋଗ (NIHSAD)କୁ ନମୁନା ପଠାଯାଇଥିଲା । ଯେତେବେଳେ ଏହାର ପରୀକ୍ଷଣ କରାଯାଇଥିଲା, H5N1 (ଏକ ପ୍ରକାର ପକ୍ଷୀ ସ୍ୱାଇନ୍ ଫ୍ଲୁ ଏ) ଭୂତାଣୁ ଠାବ ହୋଇଥିଲା । ଆମେରିକାର ରୋଗ ନିୟନ୍ତ୍ରଣ କେନ୍ଦ୍ର (ସିଡିସି) ଅନୁଯାୟୀ ପକ୍ଷୀ ଫ୍ଲୁ ସାଧାରଣତ ବନ୍ୟ ପକ୍ଷୀମାନଙ୍କ ମାଧ୍ୟମରେ ଗୃହପାଳିତ ପଶୁମାନଙ୍କ ନିକଟରେ ବ୍ୟାପିଥାଏ।
ସିଡିସି କହିଛି ଯେ ଏହି ଭୂତାଣୁ ପକ୍ଷୀମାନଙ୍କର ଅନ୍ତନଳୀ କିମ୍ବା ଶ୍ୱାସକ୍ରିୟା ଉପରେ ଆକ୍ରମଣ କରି ସେମାନଙ୍କୁ ଅସୁସ୍ଥ କରିଦିଏ। ଅନେକ କ୍ଷେତ୍ରରେ ଏହା ପକ୍ଷୀମାନଙ୍କର ମୃତ୍ୟୁକୁ ମଧ୍ୟ ନେଇଥାଏ । ଏହି ଭୂତାଣୁ ସାଧାରଣ ରୋଗ ପରି ବ୍ୟାପିଥାଏ । ସିଡିସି ଆହୁରି ବି କହିଛି ଯେ ଏହି ଭୂତାଣୁ ଲାଳ, ନାକ ତରଳ କିମ୍ବା ସଂକ୍ରମିତ ପକ୍ଷୀର ମଳ ମାଧ୍ୟମରେ ବିସ୍ତାର ହୋଇପାରେ ।
ଏପରି ପରିସ୍ଥିତିରେ, ଯେତେବେଳେ ଅନ୍ୟ ଏକ ପକ୍ଷୀ ସଂସ୍ପର୍ଶରେ ଆସେ, ଏହା ମଧ୍ୟ ସଂକ୍ରମିତ ହୋଇପାରେ ଏହା ମଣିଷମାନଙ୍କ ନିକଟରେ ମଧ୍ୟ ବ୍ୟାପିପାରେ । ଅଧିକାଂଶ ଲୋକ H5N1 ସଂକ୍ରମିତ ହେଲେ ମୃତ୍ୟୁ ବରଣ କରନ୍ତି ।