ଭଦ୍ରକ ୧୬।୩: ଆନ୍ଦୋଳନକୁ ସମର୍ଥନ କରୁନଥିବାରୁ ଅଟୋ ମରାମତି କରି ଫେରୁଥିବା ଅଟୋ ଡ୍ରାଇଭରଙ୍କୁ ମାଡ଼ ଅଭିଯୋଗ । ଆନ୍ଦୋଳନରତ ଡ୍ରାଇଭରମାନେ ମାଡ଼ ମାରିଥିବା ଅଭିଯୋଗ ହୋଇଛି । ଏ ନେଇ ଟାଉନ ଥାନାରେ ଡ୍ରାଇଭର ଜଣଙ୍କ ଲିଖିତ ଅଭିଯୋଗ କରିଛନ୍ତି ।
ଭଦ୍ରକ ଟାଉନ ଥାନାରେ ଲିଖିତ ଅଭିଯୋଗ ଅନୁଯାୟୀ, ପୁରୁଣାବଜାର ଥାନା ଅଧୀନ ୟୁସୁଫନଗର ଅଞ୍ଚଳର ସୟଦ ଆଖତର ହୁସେନ ଚରମ୍ପା ଷ୍ଟେସନରେ ଅଟୋ ଚଳାନ୍ତି । ସେ ଷ୍ଟେସନ ଅଟୋ ଚାଳକ ସଂଘ ଡ୍ରାଇଭରଙ୍କ ଷ୍ଟିୟରିଂ ଛାଡ ଆନ୍ଦୋଳନରେ ସାମିଲ ହୋଇନଥିବାରୁ ଗାଡି ମରାମତି କରି ଫେରିବା ସମୟରେ ଆକ୍ରମଣ ହୋଇଥିବା ଅଭିଯୋଗ କରିଛନ୍ତି । କେତେକ ଡ୍ରାଇଭର ତାଙ୍କୁ ଆକ୍ରମଣ କରିବାରୁ ସେ ଦୌଡ଼ି ପଳାଇ ଅନ୍ୟ କେତେକ ଲୋକଙ୍କୁ ଜଣାଇ ପରେ ମେଡିକାଲରେ ଚିକିତ୍ସିତ ହୋଇଥିଲେ । ଏବେ ଗାଡି ଉଦ୍ଧାର ସହ ଭଦ୍ରକ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି ।
