ଅଷ୍ଟ୍ରେଲିଆ୧୪/୮: ଷଷ୍ଠ ଥର ବିବାହ କରିଥିଲେ । ମାତ୍ର ୨ମାସ ଯାଇନି ଆରପାରିକୁ ଚାଲିଯାଇଛନ୍ତି ଅଷ୍ଟ୍ରେଲିଆର ପ୍ରତିଷ୍ଠିତ ବ୍ୟବସାୟୀ ତଥା ଶିଳ୍ପପତି ରିଚାର୍ଡ ଲଙ୍ଗର । ସୋମବାର ୯୧ ବର୍ଷ ବୟସରେ ଭିଏନା ସ୍ଥିତ ଭିଲ୍ଲାରେ ସେ ଆଖି ବୁଜିଛନ୍ତି । ଦୀର୍ଘଦିନ ଧରି ସେ ବିଭିନ୍ନ ସ୍ବାସ୍ଥ୍ୟଗତ ସମସ୍ୟା ଦେଇ ଗତି କରୁଥିଲେ । କିଛି ଦିନ ତଳେ ତାଙ୍କର ଗୋଟିଏ ଅପରେସନ ମଧ୍ୟ ହୋଇଥିଲା । କିମ୍ କାରଦଶିଆନ ଓ ପାମେଲା ଆଣ୍ଡରସନଙ୍କ ପରି ସେଲିବ୍ରିଟୀଙ୍କୁ ଭିଏନା ଅପେରାର ବଲ୍କୁ ଆଣିପାରିଥିଲେ ଏହି ଶିଳ୍ପପତି । ମାତ୍ର ୨ ମାସ ତଳେ ସିମୋର ରେଇଲାଣ୍ଡରଙ୍କୁ ଷଷ୍ଠ ଥର ପାଇଁ ବିବାହ କରିଥିଲେ ରିଚାର୍ଡ । ଜୁନ ୧ରେ ଭିଏନା ସିଟ୍ ହଲ୍ରେ ଉଭୟଙ୍କର ବିବାହ ହୋଇଥିଲା । ଏହା ଶେଷ ବିବାହ ନେଇ ସେଠାରେ ଘୋଷଣା କରିଥିଲେ ରିଚାର୍ଡ । ତାଙ୍କର ୪ଟି ସନ୍ତାନ ଅଛନ୍ତି ।
ସ୍ବାସ୍ଥ୍ୟଗତ ସମସ୍ୟା ସତ୍ତ୍ବେ ସେ ଏକାଧିକ ଭିଏନା ଅପେରା ବଲ୍ର ବିଭିନ୍ନ କାର୍ଯ୍ୟକ୍ରମରେ ଯୋଗଦେଇଥିଲେ । ରିଚାର୍ଡ ନିଜର ବିଳାସପୂର୍ଣ୍ଣ ଜୀବନଶୈଳୀ ପାଇଁ ବେଶ ପ୍ରସିଦ୍ଧ ଥିଲେ । ନିର୍ମାଣ ଓ ରିୟଲ ଇଷ୍ଟେଟରେ ସେ ବେଶ ନାଁ କମାଇଥିଲେ । ଜନ୍ କୋଲ୍ଲିନ୍ସ,ଜାନେ ଫଣ୍ଡାର,ପାମେଲା ଆଣ୍ଡରସନ,କିମ୍ କାରକାରଦଶିଆନ ଓ ପାରିସ ହିଲ୍ଟନଙ୍କ ଭଳି ସେଲିବ୍ରିଟୀଙ୍କ ସହ ବସାଉଠା କରୁଥିଲେ ରିଚାର୍ଡ । ୧୯୯୦ରେ ସେ ଭିଏନାରେ ଥିବା ଫେମସ ଲଙ୍ଗର ସିଟି ସପିଂ ସେଣ୍ଟର ନିର୍ମାଣ କରିଥିଲେ । ରିଚାର୍ଡ ୨ ଥର ୧୯୯୮ ଓ ୨୦୨୬ରେ ସ୍ବାଧୀନ ପ୍ରାର୍ଥୀ ଭାବରେ ଅଷ୍ଟ୍ରେଲିଆର ରାଷ୍ଟ୍ରପତି ନିର୍ବାଚନ ଲଢିଥିଲେ ।
