ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମେଲବର୍ଣ୍ଣ ଟେଷ୍ଟରେ ୪ଟି ଅଦଳବଦଳ କରିପାରେ ଟିମ୍ ଇଣ୍ଡିଆ, ଏହି ଖେଳାଳିଙ୍କୁ ମିଳିପାରେ ସୁଯୋଗ

20/12/2020 at 5:07 PM

ନୂଆଦିଲ୍ଲୀ ୨୦/୧୨ : ଅଷ୍ଟ୍ରେଲିଆ ବିପକ୍ଷ ପ୍ରଥମ ଦିବା-ରାତ୍ର ଟେଷ୍ଟ୍‌ରେ ଳଜ୍ଜାଜନକ ପରାଜୟ ପରେ ତୀବ୍ର ସମାଲୋଚନାର ଶିକାର ହୋଇଛି ଟିମ୍ ଇଣ୍ଡିଆ । ଆଡିଲେଡ୍ ଟେଷ୍ଟରେ ଭାରତୀୟ ଟିମ ଦ୍ବିତୀୟ ପାଳିରେ ମାତ୍ର ୩୬ ରନରେ ଅଲଆଇଟ ହୋଇଯାଇଥିଲା । ଯାହାଫଳରେ ଘରୋଇ ଅଷ୍ଟ୍ରେଲିଆ ପ୍ରଥମ ଟେଷ୍ଟକୁ ମାତ୍ର ଅଢେଇ ଦିନରେ ୮ ଓ୍ବିକେଟ୍‌ରେ ଜିତିନେଇଥିଲା ।
ଭାରତ ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ୦-୧ରେ ପଛୁଆ ଅଛି । ୨ୟ ମ୍ୟାଚ୍ ଆସନ୍ତା ୨୬ ଡିସେମ୍ବରରେ ମେଲବର୍ଣ୍ଣରେ ଖେଳାଯିବ । ତେବେ ପ୍ରଥମ ମ୍ୟାଚରେ ପରାଜୟ ପରେ ଭାରତୀୟ ଦଳ ନିଶ୍ଚିତ ଚାପରେ ରହିବ । ଅନ୍ୟପଟେ ଅଧିନାୟକ ବିରାଟ କୋହଲି ଭାରତ ପ୍ରତ୍ୟାବର୍ତ୍ତନ କରିବାକୁ ଥିବାରୁ ଦଳ ପାଇଁ ଆଗାମୀ ମ୍ୟାଚଗୁଡିକ କଷ୍ଟସାଧ୍ୟ ହୋଇପାରେ ।
ଭାରତ ପାଇଁ ଆଉ ଏକ ଖରାପ ଖବର ହେଉଛି ଅଭିଜ୍ଞ ପେସ୍ ବୋଲର ମହମ୍ମଦ ସାମି ଆହତ ହୋଇ ଅବଶିଷ୍ଟ ୩ଟି ମ୍ୟାଚରୁ ବାଦ ପଡିପାରନ୍ତି । ଆଡିଲେଡ୍ ଟେଷ୍ଟର ଦ୍ବିତୀୟ ଇଂନିସରେ ପ୍ୟାଟ କମିନ୍ସ୍‌ଙ୍କ ଏକ ବାଉନ୍ସ ବଲ ଶାମିଙ୍କ ହାତରେ ବାଜିଥିଲା । ଏହା ପରେ ତାଙ୍କୁ ପଡିଆ ଛାଡିବାକୁ ପଡିଥିଲା । ତେବେ ସ୍କାନ୍ ହେବା ପରେ ସାମିଙ୍କ ହାତରେ ପ୍ୟାକ୍ଚର ଥିବା ଡାକ୍ତର କହିଥିଲେ । ସେ ଅବଶିଷ୍ଟ ମ୍ୟାଚ୍ ପ୍ରାୟତଃ ଖେଳିନପାରନ୍ତି ।
ତେବେ ବର୍ତ୍ତମାନ ବିରାଟ କୋହଲି ଏବଂ ମହମ୍ମଦ ସାମିଙ୍କ ବିକଳ୍ପ ଭାବେ ଦଳରେ କାହାକୁ ସାମିଲ କରାଯିବ ସେ ନେଇ ସସପେନ୍ସ୍ ଜାରି ରହିଛି ।  ମେଲବର୍ଣ୍ଣ ଟେଷ୍ଟରେ ଦଳରେ ଅନେକ ଅଦଳବଦଳ ହୋଇପାରେ ବୋଲି ଅନୁମାନ କରାଯାଉଛି । ତେବେ ଦ୍ବିତୀୟ ଟେଷ୍ଟ ପାଇଁ ଭାରତୀୟ ଦଳରେ ୪ଟି ଅଦଳବଦଳ ହୋଇପାରେ ।
ଆହତ ମହମ୍ମଦ ସାମିଙ୍କ ସ୍ଥାନରେ ମହମ୍ମଦ ସିରାଜଙ୍କୁ ଦଳରେ ସାମିଲ କରାଯାଇପାରେ । ସେହିପରି ଓପନର ପୃଥ୍ବୀ ସ ଙ୍କ ସ୍ଥାନରେ ଶୁଭମନ୍ ଗିଲ୍ ଦଳରେ ସାମିଲ ହୋଇପାରନ୍ତି । ପ୍ରଥମ ଟେଷ୍ଟରେ ପୃଥ୍ବୀ ଖରାପ ପ୍ରଦର୍ଶନ କରିଥିଲେ ।  ପ୍ରଥମ ଇଂନିସରେ ଖାତା ଖୋଲି ପାରିନଥିବା ପୃଥ୍ବୀ ସ ଦ୍ବିତୀୟ ଇଂନିସରେ ମାତ୍ର ୪ ରନ କରିବାକୁ ସକ୍ଷମ ହୋଇଥିଲେ ।
ସେହିପରି ଓ୍ବିକେଟ କିପର ରିଦ୍ଧିମାନ ଶାହାଙ୍କ ପ୍ରଦର୍ଶନ ମଧ୍ୟ ନୈରାଶ୍ୟଜନକ ରହିଛି । ପ୍ରଥମ ଇଂନିସରେ ୯ ଏବଂ ଦ୍ବିତୀୟ ପାଳିରେ ମାତ୍ର ୪ ରନ କରିବାକୁ ସକ୍ଷମ ହୋଇଥିଲେ ରିଦ୍ଧିମାନ ଶାହା । ତେଣୁ ବିକଳ୍ପ ଭାବେ ରିଦ୍ଧିମାନ ଶାହାଙ୍କ ସ୍ଥାନରେ ପ୍ଲେଇଙ୍ଗ୍ ଇଲେଭେନରେ ଋଷଭ ପନ୍ତଙ୍କୁ ସାମିଲ କରାଯାଇପାରେ । ଅଭ୍ୟାସ ମ୍ୟାଚରେ ପନ୍ତ ଚମତ୍କାର ପ୍ରଦର୍ଶନ କରି ମାତ୍ର ୭୩ ବଲରେ ଶତକ ହାସଲ କରିଥିଲେ ।

 

   Related Posts