ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ଟିମ୍ ଇଣ୍ଡିଆକୁ ପୁଣି ଜରିମାନା, ଧିମା ବୋଲିଂ ପାଇଁ କଟିଲା ମ୍ୟାଚ୍ ଫି

9/12/2020 at 3:10 PM

ନୂଆଦିଲ୍ଲୀ ୦୯/୧୨ : ଅଷ୍ଟ୍ରେଲିଆ ବିପକ୍ଷ ତୃତୀୟ ଟି-ଟ୍ବେଣ୍ଟି ମ୍ୟାଚରେ ଧିମା ବୋଲିଂ ପାଇଁ ପୁଣି ଥରେ ଭାରତକୁ ଜରିମାନା ଦେବାକୁ ପଡିଛି । ଧିମା ବୋଲିଂ ପାଇଁ ମ୍ୟାଚ୍ ଫି’ ର ୨୦ ପ୍ରତିଶତ କଟାଯାଇଛି । ଆଇସିସି ମ୍ୟାଚ୍ ରେଫରୀ ଡେଭିଡ୍ ବୁନ ଏହି ଜରିମାନା ଲଗାଇଛନ୍ତି । ମଙ୍ଗଳବାର ଦିନ ଖେଳାଯାଇଥିବା ତୃତୀୟ ତଥା ଶେଷ ଟି-ଟ୍ବେଣ୍ଟି ମ୍ୟାଚରେ ଭାରତୀୟ ଟିମ୍ ନିର୍ଦ୍ଧାରିତ ସମୟ ଠାରୁ ଏକ ଓଭର ପଛରେ ଚାଲୁଥିଲା ।

ଆଇସିସି ବୁଧବାର ଜାରି କରିଥିବା ବୟାନରେ କହିଛି ଯେ, ‘ ଆଇସିସି ଖେଳାଳି ଏବଂ ସହଯୋଗୀ ଷ୍ଟାଫମାନଙ୍କ ପାଇଁ ଆଚାର ସଂହିତାର ଧାରା ୨.୨୨ ଅନୁଯାୟୀ ନିର୍ଦ୍ଧାରିତ ସମୟରେ ଓଭର ଶେଷ କରିନପାରିଲେ ମ୍ୟାଚ ଫି ର ୨୦ ପ୍ରତିଶତ ଜରିମାନା ଲଗାଯାଏ’ ।

 ଅଧିନାୟକ ବିରାଟ କୋହଲି ଏହାକୁ ସ୍ବୀକାର କରିଛନ୍ତି । ମାମଲାର ଔପଚାରିକ ଶୁଶାଣି କରାଯାଇନାହିଁ । ପଡିଆ ଅମ୍ପାୟାର ରଡ୍ ଟକ୍କର, ଗେରାର୍ଡ ଅବୁଡ୍, ଟିଭି ଅମ୍ପାୟାର ପୋଲ ଓ୍ବିଲସନ୍, ଏବଂ ଚତୁର୍ଥ ଅମ୍ପାୟାର ସୈମ ନୋଗାକ୍ସୀ ଏହି ଅଭିଯୋଗ କରିଛନ୍ତି । ଏହା ପୂର୍ବରୁ ଟିମ୍ ଇଣ୍ତିଆ ଅଷ୍ଟ୍ରେଲିଆ ବିପକ୍ଷ ପ୍ରଥମ ଦିନିକିଆରେ ଧିମା ବୋଲିଂ ପାଇଁ ଜରିମାନା ଦେଇଥିଲା । ସିଡିନରେ ଖେଳାଯାଇଥିବା ପ୍ରଥମ ଦିନିକିଆରେ ଭାରତ ୬୬ ରନରେ ପରାଜିତ ହୋଇଥିଲା । ତେବେ ଭାରତୀୟ ଟିମ ନିର୍ଦ୍ଧାରିତ ସମୟ ଠାରୁ ଗୋଟିଏ ଓଭର କମ ବୋଲିଂ କରିଥିବାରୁ ମ୍ୟାଚ ଫି କଟା ଯାଇଯାଇଥିଲା ।

   Related Posts