ମୁମ୍ୱାଇ ୨୦/୧୧: ଭାଙ୍ଗିଛି କୋଟି କୋଟି ଲୋକଙ୍କ ସ୍ୱପ୍ନ । କେବଳ କ୍ରୀଡାପ୍ରେମୀ ନୁହେଁ ଭାରତୀୟ କ୍ରିକେଟରଙ୍କ ସ୍ୱପ୍ନ ବି ମାଟିରେ ମିଶିଯାଇଛି । ବିଶ୍ୱକପ୍‌ ପାଇଁ ଟିମ୍ ପ୍ଲେୟାର୍ ଯେପରି ଦିନ ରାତି ଏକ କରିଦିଅନ୍ତି, କ୍ରୀଡାପ୍ରେମୀ ବି ମୁକାବିଲାକୁ ବେଶ୍ ଉତ୍କଣ୍ଠାର ସହ ଅପେକ୍ଷା କରିଥାନ୍ତି ।

ଚଳିତ ବିଶ୍ୱକପ ଅଭିଯାନରେ ଏକ ରୋମାଞ୍ଚକର ଯାତ୍ରା ସହ ବିଜୟୀ ହୋଇଛି ଅଷ୍ଟ୍ରେଲିଆ । ତେବେ ବିଶ୍ୱବିଜେତା ହେଲେ ସିନା କିନ୍ତୁ ଦେଖାଦେଇଛନ୍ତି ତାଙ୍କର ଅସଲ ପରିଚୟ । ସୋସିଆଲ ମିଡିଆରେ ଫଟୋ ଭାଇରାଲ ହେବା ପରେ ଟ୍ରୋଲ ହେଉଛନ୍ତି ଖେଳାଳି । ଚାରିଆଡୁ ତଟୁ ସମାଲୋଚନା ବି କରାଯାଉଛି ।

ସୂଚନା ଥାଉକି, ବିଶ୍ୱକପ୍ ୨୦୨୩ ଜିତିଛି ଅଷ୍ଟ୍ରେଲିଆ । ହେଲେ ଉତ୍ସବ ପରେ ଅଷ୍ଟ୍ରେଲିଆ କ୍ରିକେଟର ଅଲରାଉଣ୍ଡର ବିଶ୍ୱକପକୁ ଗୋଡ ତଳେ ରଖି ଉଠାଇଥିବା ଫଟୋ ଏବେ ସୋଶିଆଲ ମିଡିଆରେ ଭାଇରାଲ୍ । କପ୍ ଜିତିବା ପରେ ମାର୍ଶଙ୍କ ଏପରି ବ୍ୟବହାରକୁ ସୋଶାଲ ମିଡିଆ ୟୁଜର୍ ଖୁବ୍ ଟ୍ରୋଲ୍ କରୁଛନ୍ତି । କହିବାକୁ ଗଲେ ମାର୍ଶଙ୍କ ଏହି ଫଟୋକୁ ପ୍ରଥମେ ଅଷ୍ଟ୍ରେଲିଆ ଅଧିନାୟକ ପ୍ୟାଟ୍ କମିନ୍ସ ଇନଷ୍ଟାଗ୍ରାମରେ ପୋଷ୍ଟ କରିଥିଲେ । ପରେ ଅନ୍ୟାନ୍ୟ ସୋଶାଲ ମିଡିଆ ପ୍ଲାଟଫର୍ମରେ ଭାଇରାଲ୍ ହୋଇଥିଲା ।

କମ୍ମିନ୍ସ ପୋଷ୍ଟ କରିଥିବା ଫଟୋରେ ମାର୍ଶ ସୋଫା ଉପରେ ବସିଛନ୍ତି । ଖାଲି ବସିନାହାଁନ୍ତି ତ ଗୋଡ ତଳେ ରଖିଛନ୍ତି ଟ୍ରଫି । ଏମିତିକି କେବଳ ତଳେ ରଖିନାହାନ୍ତି, ବିଶ୍ୱକପ ଉପରେ ଦୁଇ ଗୋଡ ଥୋଇ ହାତରେ ବିଅର୍ ବୋତଲ ଧରି ଫଟୋ କ୍ଲିକ୍ କରିଛନ୍ତି ମାର୍ଶ । ମାର୍ଶଙ୍କ ଏପରି ଖାମଖିଆଲ ଅନ୍ଦାଜକୁ ନାପସନ୍ଦ କରିଛନ୍ତି ନେଟିଜେନ୍ସ । ଏହି ଅଙ୍ଗଭଙ୍ଗୀକୁ ବିଶ୍ୱକପ ପ୍ରତି ଅସମ୍ମାନ ବୋଲି କହିବା ସହ ମାର୍ଶଙ୍କୁ ଟ୍ରୋଲ୍ କରିଛନ୍ତି ।

ସୂଚନା ଥାଉକି, ରବିବାର ନରେନ୍ଦ୍ର ମୋଦି ଷ୍ଟାଡିୟମରେ ଅଷ୍ଟ୍ରେଲିଆ-ଭାରତ ମଧ୍ୟରେ ଖୋଳାଯାଇଥିଲା ଫାଇନାଲ୍ ମ୍ୟାଚ୍ । , ଆୟୋଜକ ଭାରତକୁ ହରାଇ କପ୍ ହାତେଇଥିଲା କଙ୍ଗାରୁ ଟିମ୍ । ୭ ୱିକେଟରେ ଅଷ୍ଟ୍ରେଲିଆ ଏହି ମ୍ୟାଚକୁ ଜିତି ଷଷ୍ଠ ଥର ପାଇଁ ଟାଇଟଲ୍ ହାତେଇଛି । ବିଜୟ ପରେ ଡ୍ରେସିଂ ରୁମରେ ଏପରି ଫଟୋ ଉଠାଇଥିଲେ ମିଚେଲ ମାର୍ଶ ।

you can also read…