ଭଦ୍ରକ ୨୩।୦୯ :  ସ୍ୱାମୀଙ୍କ ମୃତ୍ୟୁ ପରେ ଜମିବାଡି ଭାଗବଣ୍ଟା ହୋଇଛି । କିନ୍ତୁ ଏବେ ସଂପର୍କୀୟମାନେ ସମ୍ପତ୍ତି ହଡ଼ପ ପାଇଁ ନିର୍ଯାତନା ଦିଆଯାଉଥିବା ଅଭିଯୋଗ । ଭଦ୍ରକ ସହରାଞ୍ଚଳ ଥାନାକୁ ଏପରି ଅଭିଯୋଗ ଆସିଛି । ଗୁରୁତର ଅବସ୍ଥାରେ ମେଡିକାଲରେ ଅଭିଯୋଗକାରିଣୀ ଭର୍ତ୍ତି ।

ଖବର ଅନୁଯାୟୀ, ମହିଳାଙ୍କ ସ୍ୱାମୀଙ୍କ ମୃତ୍ୟୁ ପରେ ଆଇନ ଅନୁସାରେ ସମ୍ପତ୍ତି ଭାଗବଣ୍ଟା ହୋଇଥିଲା । ସେ ଶ୍ୱଶୁର ଘରେ ରହୁଥିବା ବେଳେ ତାଙ୍କର ଦେଢଶୁର ଏବଂ ସଂପର୍କୀୟମାନେ ତାଙ୍କୁ ଘରୁ ତଡିବା ସହ ସମ୍ପତ୍ତିକୁ ଦାଖଲ ପାଇଁ ମାଡ୍‌ପିଟ୍‌ କରୁଛନ୍ତି । ଏମିତି କି ମାଡ ମାରିବା ଯୋଗୁଁ ଅଭିଯୋଗକାରିଣୀ ଜଣଙ୍କ ଆହତ ହୋଇ ଭଦ୍ରକ ମେଡିକାଲରେ ଭର୍ତ୍ତି ହୋଇଛନ୍ତି । ସହରାଞ୍ଚଳ ଥାନାରେ ଏନେଇ ମଧ୍ୟ ଅଭିଯୋଗ କରାଯାଇଛି ।

ତେବେ ଅଭିଯୋଗ ପରେ ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଛି । କିନ୍ତୁ କୌଣସି ପକ୍ଷରୁ କିଛି ସୂଚନା ମିଳିନଥିବା ଜଣାପଡିଛି ।

ଆହୁରି ପଢନ୍ତୁ :