ନୂଆଦିଲ୍ଲୀ ୨୮/୦୧: ଜେରୁଜେଲମ୍ ରେ ପ୍ରାର୍ଥନାସ୍ଥଳରେ ଆତଙ୍କୀ ହମଲା । ଗୁଳିମାଡ଼ରେ ୮ଜଣଙ୍କ ମୃତ୍ୟୁ, ୧୧ରୁ ଅଧିକ ଆହତ । ଗୁଳି ଚଳାଇଥିବା ଆତଙ୍କୀ ମଧ୍ୟ ପୋଲିସ ଗୁଳିରେ ମରିଥିବା ସୂଚନା ମିଳିଛି ।

ଜେରୁଜେଲମ୍ ସହର ନିକଟ ନେଭେ ୟାକୋଭରେ ଥିବା ସିନାଗଗ୍ ବା ଜୀଉଙ୍କ ପ୍ରାର୍ଥନା ସ୍ଥଳରେ ବିଳମ୍ବିତ ରାତିରେ ଆତଙ୍କବାଦୀମାନେ ଆଖିବୁଜା ଗୁଳି ମାଡ଼ କରିଥିଲେ । ଇସ୍ରାଏଲ୍ ର ବିଦେଶ ମନ୍ତ୍ରାଳୟ ଏନେଇ ସୂଚନା ଦେଇଛି । ଗାଜାରେ ହମାସ୍ ର ପ୍ରବକ୍ତା ଏହାକୁ ଅପରେସନ୍ ଜେନିନ୍ ଜବାବୀ ହମଲା ବୋଲି କହିଛି ।

ପାଲେଷ୍ଟାଇନ୍ ଆତଙ୍କବାଦୀ ଏହି ହମଲା କରିଥିବା କୁହାଯାଉଛି । ଗୁଳି ଚଳାଇଥିବା ଆତଙ୍କୀ ପୋଲିସ ଗୁଳିରେ ଘଟଣାସ୍ଥଳରେ ପ୍ରାଣ ହରାଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ସୁରକ୍ଷା ବଢାଇ ଦିଆଯାଇଛି ।